მთავრობის კანცელარიასთან მიმდინარე აქციაზე პოლიციამ 2 პირი ადმინისტრაციული წესით დააკავა. შინაგან საქმეთა სამინისტროს ინფორმაციით, ისინი პოლიციის „კანონიერ მოთხოვნას“ არ დაემორჩილნენ.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 83 დეპუტატი, რომელმაც რუსულ კანონს მხარი დაუჭირა | სია
„აქციის მიმდინარეობისას პროტესტის გამომხატველთა მხრიდან არაერთხელ განხორციელდა ძალადობრივი ქმედებები. აქციის რამდენიმე მონაწილე არ დაემორჩილა პოლიციის კანონიერ მოთხოვნას გამოეხატათ პროტესტი მშვიდობიან ფორმაში, რის შედეგად ადმინისტრაციული წესით დაკავებულია 2 პირი. სამართალდამცველებმა ერთ-ერთი დაკავებული პირისგან ცივი იარაღი ამოიღეს“, - აცხადებენ შინაგან საქმეთა სამინისტროში.
აქციის ორგანიზატორებსა და მონაწილეებს მოუწოდებენ, არ განახორციელონ კანონსაწინააღმდეგო ქმედებები და აფრთხილებენ, რომ „თითოეულ არაკანონიერ ქმედებას, დაუყოვნებლივ მოყვება სამართლებრივი რეაგირება“.
აქციის მონაწილეებმა რუსთაველის გამზირიდან მთავრობის კანცელარიასთან მას შემდეგ გადაინაცვლეს, რაც „ქართული ოცნებისთვის“ რუსული კანონის უკან გასაწვევად მიცემული ერთი საათი უშედეგოდ ამოიწურა.
17 აპრილს, მრავალათასიანი საპროტესტო აქციებისა და საერთაშორისო პარტნიორების კრიტიკის მიუხედავად, „ქართულმა ოცნებამ“ ე.წ. უცხოეთის აგენტების შესახებ კანონპროექტი პირველი მოსმენით მიიღო. რუსული კანონის მხარდამჭერი 83 დეპუტატიდან 73 „ქართული ოცნების“ წევრია, დანარჩენები კი მმართველი პარტიის სატელიტებს - „ხალხის ძალასა“ და „ევროპელ სოციალისტებს“ წარმოადგენენ. კენჭისყრაში ოპოზიცია არ მონაწილეობდა.
მესამე დღეა თბილისში მრავალათასიანი საპროტესტო გამოსვლებია. 16 აპრილს აქცია დაარბიეს - სპეცდანიშნულების რაზმის წევრები აქციის მონაწილეებს ქუჩა-ქუჩა დაედევნენ და ფიზიკურად გაუსწორდნენ. მშვიდობიანი დემონსტრანტების წინააღმდეგ წიწაკის სპრეიც გამოიყენეს.
მოქალაქეები აცხადებენ, რომ აქციებზე გამოვლენ მანამ, ვიდრე რუსული კანონი გაწვეული არ იქნება. ისინი დაკავებული დემონსტრანტების გათავისუფლებასაც ითხოვენ.
