„რუსული აგრესია ბრძოლის ველზე ჩავარდა. დღეს 522-ე დღეა, რაც ე.წ. „სპეციალური სამხედრო ოპერაცია“ მიმდინარეობს, რომელიც რუსეთის ხელმძღვანელობის ვარაუდით ერთი-ორი კვირა უნდა გაგრძელებულიყო. უკრაინა ძლიერდება. ომი თანდათან რუსეთის ტერიტორიაზე ბრუნდება - მის სიმბოლურ ცენტრებსა და სამხედრო ბაზებზე. ეს გარდაუვალი, ბუნებრივი და აბსოლუტურად სამართლიანი პროცესია“, - განაცხადა უკრაინის პრეზიდენტმა, ვოლოდიმირ ზელენსკიმ საჯარო მიმართვაში.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 4 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 5 სპეცრაზმი რუსთაველის გამზირზე აქციის მონაწილეებს არბევს
- 6 აქციაზე ტელეკომპანია „პირველის“ ჟურნალისტი მარიამ გაფრინდაშვილი დაშავდა
რუსეთის თავდაცვის სამინისტროს ცნობით, 30 ივლისს, გვიან ღამით, მოსკოვს თავს სამი უპილოტო თვითმფრინავი დაესხა - ორი დედაქალაქში შენობებს დაეჯახა, ხოლო ერთი მოსკოვის ოლქის ოდინცოვსკის რაიონში განადგურდა. რუსეთის ხელისუფლებამ უპილოტო თვითმფრინავებით თავდასხმაში უკრაინის შეიარაღებული ძალები დაადანაშაულა. თავდაცვის სამინისტროს განცხადებით, „აღიკვეთა კიევის რეჟიმის მცდელობა, უპილოტო საფრენი აპარატით მოსკოვის ოლქის ტერიტორიაზე მდებარე ობიექტებზე ტერორისტული შეტევა განეხორციელებინათ“.
მოსკოვის მერის, სერგეი სობიანინის თქმით, დროებით თავდასხმის შედეგად ბიზნეს ცენტრ „მოსკვა-სიტიში“ მდებარე ერთ-ერთ შენობაში აფეთქება მოხდა, შედეგად დაშავდა ერთი ადამიანი და დაზიანდა ორი შენობის ფასადი.
დამოუკიდებელი რუსული მედიასაშუალების, The Insider-ის ცნობით, ადგილას, სადაც აფეთქება მოხდა, მდებარეობს რუსეთის ეკონომიკური განვითარების სამინისტრო, მრეწველობისა და ვაჭრობის სამინისტრო, ციფრული განვითარების სამინისტრო და ეროვნების ფედერალური სააგენტო.
უკრაინის საჰაერო ძალების სპიკერი, იური იჰნატი თავდასხმას გამოეხმაურა და განაცხადა, რომ თვითმფრინავები იმ რუსებზე ახდენენ ზემოქმედებას, ვისაც ჰგონია რომ ყოვლისმომცველი ომი ჯერ კიდევ შორსაა. „რუსეთში ყოველთვის რაღაც დაფრინავს, ისევე როგორც მოსკოვში. ახლა ომი უკვე ზემოქმედებს მათზე, ვინც ამ საკითხით დაინტერესებული არ ყოფილა“, - თქვა იჰნატმა.
BBC-ის ინფორმაციით, მიმდინარე წელს, რუსეთის მიერ უკრაინაში წარმოებული სრულმასშტაბიანი ომის პარალელურად, ოკუპანტი ქვეყნის ტერიტორიაზე 120-ზე მეტი საჰაერო თავდასხმა განხორციელდა. უკრაინული მხარე არ ადასტურებს, რომ რუსეთზე დრონებით თავდასხმებს მისი შეიარაღებული ძალები ახორციელებს. ექსპერტების შეფასებით, რადიუსის თვალსაზრისით, უკრაინიდან გაშვებულმა უპილოტო თვითმფრინავებმა შეიძლება შეაღწიონ რუსეთის ტერიტორიის სიღრმეში, მათ შორის მოსკოვამდე, რომელიც საზღვრიდან დაახლოებით 450 კილომეტრში მდებარეობს.
