სულ მცირე 16 ადამიანი დაიღუპა აშშ-ის ფლორიდის შტატში, რომელსაც ქარიშხალმა „მილტონმა“ გადაუარა. სამაშველო-საძიებო ღონისძიებები გრძელდება და შესაძლოა, მსხვერპლის რაოდენობა გაიზარდოს. 2.5 მილიონზე მეტი აბონენტი ელექტროენერგიის გარეშე რჩება.
ახალი ამბები
მკითხველის რჩეული
- 1 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 2 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 5 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
- 6 მანდატურზე თავდასხმის ბრალდებით დააკავეს აქტივისტი ნინო დათაშვილი
„მილტონი“ 9 ოქტომბერს, ოთხშაბათ ღამით, საფირ-სიმპსონის (ქარის ინტენსივობის შესაფასებელი შკალა) მე-3 კატეგორიის სიმძლავრით სარასოტას ოლქში, სიესტას სანაპიროს მახლობლად გამოვლინდა. მან გარშემო დამანგრეველი ტორნადო და დაახლოებით 8.5 მეტრი სიმაღლის ტალღები გამოიწვია. ოკეანის სანაპიროდან ხმელეთში შეჭრის შემდეგ, „მილტონის“ სიმძლავრე პირველ კატეგორიამდე შემცირდა და მოძრაობა ფლორიდის აღმოსავლეთ სანაპიროსკენ განაგრძო.
ევაკუაციის შემდეგ ფლორიდაში 3.3 მილიონზე მეტი სახლი და ბიზნესდაწესებულება დაცარიელდა. უმეტესად, დაზარალებულია დასავლეთ-ცენტრალური რეგიონი. შტატი კატასტროფის ზონად არის გამოცხადებული.
„მილტონი“ პოტენციურად ერთ-ერთი ყველაზე დამანგრეველი ქარიშხალია დასავლეთ-ცენტრალურ ფლორიდაში,“ - განაცხადეს აშშ-ის ქარიშხლების ეროვნულ ცენტრში. ქარიშხალმა 508 მმ-ზე მეტი წვიმა გამოიწვია.
ვითარებას კიდევ უფრო სახიფათოს ხდის ველური ცხოველების უკონტროლო ქცევა. ველური ბუნების ექსპერტების თქმით, ქარიშხლით დაზარალებული და დეზორიენტირებულები ცხოველები ზოგჯერ დასახლებული ტერიტორიებისკენ გადაადგილდებიან.
ორი კვირის წინ ფლორიდას უდიდესმა ქარიშხალმა „ჰელენმა“ გადაუარა, რომელმაც სულ მცრიე, 225 ადამიანი იმსხვერპლა ფლორიდაში, ჯორჯიაში, სამხრეთ კაროლინაში, ტენესში, ვირჯინიასა და ჩრდილოეთ კაროლინაში. ასობით ადამიანი ჯერ კიდევ დაკარგულად ითვლება.
