ლაგოდეხის მუნიციპალიტეტის ერთ-ერთ სოფელში პოლიციელების მიმართ ჯგუფურად ჩადენილი წინააღმდეგობისა და ძალადობის ბრალდებით სამი ადამიანი დააკავეს. შინაგან საქმეთა სამინისტროს ცნობით, დაკავებულები არიან 2001 წელს დაბადებული ნ.შ. და წარსულში ნასამართლევი პირები - 1990 წელს დაბადებული ი.კ. და 1994 წელს დაბადებული ლ.ი.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
როგოც შსს-ში განაცხადეს, 27 იანვარს, პოლიციელებმა, პროფესიული მოვალეობის შესრულების დროს, აღნიშნული პირები გადამოწმების მიზნით შეაჩერეს, რა დროსაც ბრალდებულებმა მათ წინააღმდეგობა გაუწიეს და მიაყენეს როგორც სიტყვიერი, ასევე, ფიზიკური შეურაცხყოფა.
„ძალადობრივი ქმედების შედეგად შინაგან საქმეთა სამინისტროს ოთხმა თანამშრომელმა სხვადასხვა სახის დაზიანება მიიღო.
საქმეზე ჩატარებული საგამოძიებო მოქმედებების შედეგად, სამართალდამცველებმა სამივე პირი ბრალდებულის სახით, შემთხვევის ადგილზევე დააკავეს“, - ნათქვამია შსს-ს მიერ გავრცელებულ განცხადებაში.
საქმეზე გამოძიება სისხლის სამართლის კოდექსის 353-ე მუხლით მიმდინარეობს, რაც პოლიციელის მიმართ ჯგუფურ წინააღმდეგობას, მუქარას ან ძალადობას გულისხმობს. დანაშაული 5-დან 8 წლამდე ვადით თავისუფლების აღკვეთით ისჯება.
ამ თემაზე:
პოლიციელზე ჯგუფური ძალადობის ბრალდებით ჩოხატაურის საკრებულოს თავმჯდომარე დააკავეს
