ქართული წარმოშობის ცნობილი რუსი მწერალი, ბორის აკუნინი (გრიგორი ჩხარტიშვილი), რომელიც რუსეთის ხელისუფლებას „უცხოეთის აგენტად“ ჰყავს გამოცხადებული, გამოეხმაურა „ქართული ოცნების“ მორიგ მცდელობას, რუსული კანონი მიიღოს. მწერალი ამბობს, რომ საქართველოში, ხელისუფლების ინიციატივით, პუტინიზმი ცდილობს დამკვიდრებას.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 83 დეპუტატი, რომელმაც რუსულ კანონს მხარი დაუჭირა | სია
„რამდენიმე ქართულმა ტელეარხმა და მედიასაშუალებამ თხოვნით მომმართა კომენტარი გამეკეთებინა „უცხოელი აგენტების“ შესახებ კანონპროექტზე.
ზოგადად, მე აზრს არ გამოვთქვამ საქართველოს პოლიტიკური ცხოვრების შესახებ. პირველ რიგში, მე მაქვს კომპლექსი, რომ არ ვარ „ნამდვილი ქართველი“ - ენაც კი არ ვიცი. მეორეც, მე რუსი მწერალიც ვარ და სხვის საქმეებში ყველანაირი ჩარევა, ჩვენი ძმის მხრიდან, დღევანდელ ვითარებაში „იმპერიალიზმის გამოვლინებად“ აღიქმება.
მაგრამ საქართველო ჩემთვის უცხო არ არის. მე საქართველოში დავიბადე, მე ვარ „შვილი“ და „შალვას ძე“, მე იქ ბევრი ნათესავი და მეგობარი მყავ. და ჩემთვის საგანგაშოა იმის ყურება, როგორ ეშვება დემოკრატიული ქვეყანა იმავე ფერდობზე, რომლიდანაც რუსეთი უფსკრულში ჩავარდა.
უნდა ვუფრთხოდეთ არა პოლიტიკურ ოპოზიციას და კრიტიკულ პრესას, არამედ პუტინიზმს. გეშინოდეთ არა მხოლოდ გარედან, არამედ შიგნიდან შემოჭრის. და ეს არის ზუსტად ის, რაც ახლა ხდება. პუტინიზმი ცდილობს თქვენს სახლში დამკვიდრებას, თქვენივე ხელისუფლების ინიციატივით. თქვენ შემდეგ თავს ვერ დააღწევთ ამ ინფილტრატორს. ის შეჭამს საქართველოს, როგორც სიმსივნე. ვიცით, გავიარეთ. თავდაპირველად „უცხოური აგენტები“, შემდეგ „მეხუთე კოლონა“, შემდეგ „ტერორისტები და ექსტრემისტები“ და შემდეგ არანაირი მეგობრები, გარდა პუტინის რუსეთისა.
კეთილი იყოს თქვენი მობრძანება უკან, ორთავიანი არწივის ფრთებქვეშ. ქართველებო, უფლება არ მისცეთ თქვენ ეს დაგმართონ. გაუფრთხილდით თავისუფლებას“, - წერს ბორის აკუნინი სოციალურ ქსელში.
67 წლის მწერალი, რომელიც ამჟამად ლონდონში ცხოვრობს და რუსეთის პრეზიდენტის, ვლადიმერ პუტინის დიდი ხნის კრიტიკოსია, რუსეთის იუსტიციის სამინისტრომ „უცხოეთის აგენტთა სიაში“ 2024 წელს შეიყვანა. სამინისტროს განცხადებით, ამის მიზეზი გახდა ის, რომ აკუნინი უკრაინის არმიის მხარდასაჭერად „ფინანსების შეგროვებაში მონაწილეობდა“.
„უცხოეთის აგენტების“ შესახებ კანონი რუსეთში 2012 წელს გაჩნდა და იუსტიციის სამინისტროს მიანიჭა უფლება, „უცხოეთის აგენტებად“ აღიაროს ის არასამთავრობო ორგანიზაციები, რომლებიც დაფინანსებას საზღვარგარეთიდან იღებენ და პოლიტიკურ საქმიანობას ეწევიან. წლების განმავლობაში შესაძლებელი გახდა „აგენტებად“ მედია ორგანიზაციებისა და ფიზიკური პირების დარეგისტრირებაც.
რუსეთში „ტერორისტებისა და ექსტრემისტების სიაც“ აქვთ, სადაც ბორის აკუნინი ომის კრიტიკის გამო მოხვდა და მის წინააღმდეგ სისხლის სამართლის საქმეც აღიძრა.
