ლიეტუვის პრეზიდენტმა, გიტანას ნაუსედამ ბრიუსელში, ევროკავშირის საბჭოს სხდომის დაწყებამდე განაცხადა, რომ საქართველო ევროკავშირს კი არ უახლოვდება, არამედ შორდება.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
„სამწუხაროდ, ის, რაც საქართველოში ხდება, არ შეესაბამება დემოკრატიისა და დემოკრატიული წესების ევროპულ გაგებას. ცოტა გულნატკენი ვარ საქართველოში ბოლო დროს განვითარებული მოვლენების გამო, რადგან ჩემს ქვეყანაში დიდი თანაგრძნობაა - მიუხედავად იმისა, რომ საქართველო ლიეტუვასგან შორსაა, ჩვენ გვაქვს მჭიდრო კავშირები, ემოციური კავშირები, ისტორიული, ტრადიციული კავშირები და სამწუხაროა, რომ საქართველო კი არ უახლოვდება, შორდება ევროკავშირს“, – განაცხადა ნაუსედამ.
მისი თქმით, სანამ საქართველოში არ გააცნობიერებენ, რომ დემოკრატიის, ადამიანის უფლებებისა და კანონის უზენაესობის პრინციპები უნდა იყოს დაცული, სიტუაცია რთული და იმედგაცრუების მომგვრელი იქნება ქართველი ხალხისთვის, რომელიც ქვეყნის ევროკავშირისკენ სვლას ელის.
18-19 დეკემბერს, ევროკავშირის საბჭოს სხდომაზე სტრატეგიული დებატები გაიმართება სხვადასხვა საკითხზე, მათ შორის, გაფართოებაზე. ამ კონტექსტში და ევროკავშირში გაწევრიანების გზაზე ზოგიერთი კანდიდატი ქვეყნის მიერ მიღწეული პროგრესის გათვალისწინებით, ლიდერები შემდეგ ნაბიჯებს განიხილავენ.
