რუსეთიდან საქართველოში მზესუმზირის ზეთით დატვირთულ ტანკერს, Midvolga 2-ს შავ ზღვაში, თურქეთის სანაპიროდან 80 მილის დაშორებით თავს დაესხნენ. ამის შესახებ ინფორმაცია თურქეთის ტრანსპორტისა და ინფრასტრუქტურის სამინისტრომ გაავრცელა.
ახალი ამბები
მკითხველის რჩეული
- 1 დააკავეს „ქართული ოცნების“ მხარდამჭერი მანანა გიორგობიანი
- 2 ყვარლის საკრებულოს თავმჯდომარე გივი ზაუტაშვილი და მერის მოადგილე ლევან გელაძე დააკავეს
- 3 საქართველო-აზერბაიჯანის საზღვართან თურქეთის სამხედრო თვითმფრინავი ჩამოვარდა
- 4 პროკურატურამ ოპოზიციის 8 ლიდერს ახალი ბრალდება წარუდგინა
- 5 „ოცნების“ შს მინისტრის მოადგილის პოსტზე გიორგი ბუთხუზი გიორგი სახოკიამ ჩაანაცვლა
- 6 „უკრაინა რთული არჩევანის წინაშეა“ - ზელენსკიმ ტრამპის გეგმას ერისადმი მიმართვაში უპასუხა
გემზე ეკიპაჟის 13 წევრი იმყოფება. როგორც თურქული მხარე აცხადებს, ისინი არ დაშავებულან და დახმარება არ დასჭირვებიათ.
გემი ჩართული ძრავებით თურქეთის ქალაქ სინოპისკენ მიემართება.
თურქეთის ტრანსპორტისა და ინფრასტრუქტურის სამინისტროს განცხადებაში არ არის დაკონკრეტებული, ზუსტად როგორ მოხდა ტანკერზე თავდასხმა.
პორტალ VesselFinder-ზე არსებული ინფორმაციით Midvolga 2 2014 წელს აშენდა და რუსეთის დროშის ქვეშ დაცურავს. ის მოხსენიებულია როგორც ქიმიური/ნავთობის პროდუქტების ტანკერი. მისი მფლობელი მოსკოვში რეგისტრირებული „შუა ვოლგის გადაზიდვების კომპანიაა“.
28 ნოემბერს, შავ ზღვაში, თურქეთის ექსკლუზიურ ეკონომიკურ ზონაში, გამბიის დროშის ქვეშ მცურავ ტანკერებს „კაიროსსა“ (KAIROS) და „ვირატს“ (VIRAT) საზღვაო დრონებმა თითქმის ერთდროულად შეუტიეს. ცეცხლმოდებული „კაიროსიდან“ ეკიპაჟის 25 წევრის ევაკუაცია განხორციელდა. დაკვამლიანება იყო „ვირატზეც“, სადაც 20 ადამიანი იმყოფებოდა. მომდევნო დღეს, რამდენიმე უკრაინულმა მედიასაშუალებამ, უკრაინის უსაფრთხოების სამსახურის წყაროებზე დაყრდნობით გაავრცელა ინფორმაცია, რომ თავდასხმა უშიშროების სამსახურის სპეციალური ოპერაცია იყო, რომელიც მოდერნიზებული დრონების დახმარებით განხორციელდა. უკრაინული მედიის წყაროები აცხადებდნენ, რომ ტანკერებს „შესაძლოა,70 მილიონ დოლარამდე ღირებულების ნავთობს გადაჰქონდათ და კრემლს საერთაშორისო სანქციებისთვის გვერდის ავლაში ეხმარებოდნენ“. რუსეთის პრეზიდენტის პრესმდივანმა დმიტრი პესკოვმა მომხდარს „აღმაშფოთებელი ინციდენტი“ უწოდა და თურქეთის სუვერენიტეტზე თავდასხმად შეაფასა. თურქული მხარის განცხადებით, ტანკერებზე თავდასხმამ „სერიოზული საფრთხე შეუქმნა რეგიონში გადაზიდვებს, სიცოცხლეს, ქონებას და გარემოსდაცვით უსაფრთხოებას“.
