რუსეთმა ქართველი აბიტურიენტების განაცხადების მიღება გაახანგრძლივა

რუსეთის მთავრობის კვოტით უფასო განათლების მისაღებად განაცხადების მიღება 2026/2027 სასწავლო წლისთვის 2025 წლის 15 სექტემბრიდან დაიწყო და 2016 წლის 14 იანვარს უნდა დასრულებულიყო.

„მრავალრიცხოვან მომართვებთან დაკავშირებით, რუსეთის უნივერსიტეტებში უფასო განათლების მსურველი ქართველი აბიტურიენტების მიღების კამპანია 15 თებერვლამდე გაგრძელდა! არ გაუშვათ ხელიდან შესაძლებლობა, სექტემბრიდანვე ჩაირიცხოთ რუსეთის ერთ-ერთ პრესტიჟულ უმაღლეს სასწავლებელში“, - ნათქვამია სექციის მიერ გავრცელებულ განცხადებაში.

საქართველოში შვეიცარიის საელჩოს რუსეთის ინტერესების სექციის ხელმძღვანელის, დმიტრი ოლისოვის განცხადებით, სტუდენტები, რომლებიც შერჩევის პროცესს წარმატებით გაივლიან, სტიპენდიებს მიიღებენ და უზრუნველყოფილნი იქნებიან საერთო საცხოვრებლით. მათ თავისუფალ დროს ოფიციალური დასაქმების უფლებაც ექნებათ.

2024 წელს საქართველოდან რუსეთის „საუკეთესო უნივერსიტეტებში“ სასწავლებლად 200-ზე მეტი სტუდენტი გაემგზავრა. ერთი წლით ადრე საქართველოსთვის გამოყოფილი კვოტა 100 ადგილით შემოიფარგლებოდა.

აბიტურიენტებს საქართველოდა სთავაზობენ სწავლას 700-ზე მეტი საგანმანათლებლო დაწესებულებაში, რომელთა შორის არ არიან ლომონოსოვის სახელობის მოსკოვის სახელმწიფო უნივერსიტეტი, რუსეთის საგარეო საქმეთა სამინისტროს დიპლომატიური აკადემია და საერთაშორისო ურთიერთობების მოსკოვის სახელმწიფო ინსტიტუტი. ამასთან, პროგრამა მოიცავს განათლების სხვადასხვა დონეს: ბაკალავრის, სპეციალისტის მაგისტრის ხარისხებს, ასპირანტურასა ან რეზიდენტურას.