რუსეთში რძის პროდუქტების მწარმოებელი ერთ-ერთი უმსხვილესი კომპანიის, „დანონ რუსეთის“ [Danone Russia] გენერალურ დირექტორად ჩეჩნეთის სოფლის მეურნეობის მინისტრი და რამზან კადიროვის დისშვილი იაკუბ ზაკრიევი დაინიშნა. აღნიშნული კომპანიის პროდუქცია, მათ შორის იოგურტები, საქართველოს ბაზარზეც იყიდება.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
„დანონ რუსეთის“ წილების 100%-ს ფრანგული კომპანია „დანონი“ [Danone] ფლობდა, რომელმაც უკრაინაში ომის დაწყების შემდეგ, 2022 წლის ოქტომბერში ინვესტორები გააფრთხილა, რომ რუსეთში მუშაობის შეწყვეტას აპირებდა. პრეზიდენტ ვლადიმერ პუტინის 2023 წლის 16 ივლისის განკარგულებით, კომპანიის შვილობილის „დანონ რუსეთის“ აქტივები დროებით სამართავად ფედერაციის ქონების მართვის ფედერალურ სააგენტოს გადაეცა. Danone-მა განაცხადა, კომპანია ემზადება მიიღოს ყველა საჭირო ზომა, რათა დაიცვას თავისი, როგორც Danone Russia-ს აქციონერის, უფლებები.
პუტინის განკარგულებიდან ორ დღეში, 18 ივლისს, „დანონ რუსეთის“ გენერალური დირექტორი 32 წლის იაკუბ ზაკრიევი გახდა.
ზაკრიევის დანიშვნის შესახებ განცხადება გააკეთა ჩეჩნეთის ეროვნული პოლიტიკის, საგარეო ურთიერთობების, პრესისა და ინფორმაციის მინისტრმა ახმედ დუდაევმა. მისი თქმით, იაკუბ (იბრაჰიმ) ზაკრიევს ყველაზე საპასუხისმგებლო თანამდებობებზე მუშაობის უზარმაზარი გამოცდილება გააჩნია.
„მისი არჩევა „დანონ რუსეთის“ გენერალური დირექტორის პოსტზე მეტყველებს იმაზე, რომ ჩეჩნეთის მეთაურის, რამზან კადიროვის გუნდის წარმომადგენლები ნიჭიერი და წარმატებული მენეჯერები არიან“, - განაცხადა დუდაევმა.
იაკუბ ზაკრიევი რამზან კადიროვის უფროსი დის შვილია. 2018 წელს, 27 წლის ასაკში ის გროზნოს მერად დაინიშნა, ხოლო 2020 წელს ჩეჩნეთის მეთაურის და მთავრობის ადმინისტრაციის ხელმძღვანელი გახდა. ამჟამად ის ჩეჩნეთის ვიცე-პრემიერის და რესპუბლიკის სოფლის მეურნეობის მინისტრის თანამდებობებს იკავებს.
