რუსეთში, ივანოვოს ოლქში, სამხედრო-სატრანსპორტო თვითმფრინავი „ან-22“ ჩამოვარდა. ამის შესახებ ინფორმაციას სახელმწიფო საინფორმაციო სააგენტო TASS-ი საგანგებო სიტუაციების სამსახურში წყაროზე დაყრდნობით ავრცელებს. ბორტზე შვიდი ადამიანი იმყოფებოდა, რომელთა ბედი ამ დროისთვის უცნობია.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 ირანის უზენაესი ლიდერის, აიათოლა ალი ხამენეის სიკვდილი დადასტურდა
- 5 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 6 მსოფლიო პატრიარქი ბართლომეოსი ილია II-ის დაკრძალვაზე ჩამოვა
TASS-ის ცნობით, კატასტროფა უვოდის წყალსაცავის მახლობლად მოხდა. თვითმფრინავის ფრაგმენტები წყალშია ნაპოვნი. გავრცელებული ინფორმაციით, „ან-22“ შეკეთების შემდეგ რუტინულ სატესტო ფრენას ასრულებდა.
„ან-22“ (რუსულად „Ан-22 Антей“) მსოფლიოში ყველაზე დიდი ტურბოპროპელერიანი თვითმფრინავია, რომელიც შორ მანძილზე იარაღის, სამხედრო ტექნიკისა და ჯარისკაცების ტრანსპორტირებისთვისაა განკუთვნილი.
საბჭოთა კავშირში ამ ტიპის მხოლოდ 69 თვითმფრინავი იყო წარმოებული. 2024 წლის ზაფხულში რუსეთის კოსმოსური ძალების სარდლობამ გამოაცხადა, რომ ექსპლუატაციაში დარჩენილი „ან-22“ თვითმფრინავები მწყობრიდან იყვნენ გამოსული.
გავრცელებული ინფორმაციით, ჩამოვარდნილი „ან-22“ რუსეთის თავდაცვის სამინისტროს მფლობელობაში დარჩენილი ამ ტიპის უკანასკნელი თვითმფრინავი იყო.
