საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელის, ევროკომისიის ვიცე-პრეზიდენტის, კაია კალასის განცხადებით, საქართველოში დაკავებული ყველა მომიტინგე დაუყოვნებლივ უნდა გათავისუფლდეს. ამის შესახებ მან საგარეო საქმეთა მინისტრების შეხვედრის დასრულების შემდეგ გამართულ პრესკონფერენციაზე განაცხადა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 4 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 5 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
„მოკლედ განვიხილეთ საქართველოში არსებული ვითარება. რეპრესიული კანონმდებლობის მიღება და ძალის გადამეტებული გამოყენება მომიტინგეების წინააღმდეგ რეგიონში საგანგაშო გაუარესებაა. ყველა ეს მომიტინგე დაუყოვნებლივ უნდა გათავისუფლდეს.
ცხადია, რომ ის ნაბიჯები, რასაც საქართველო დგამს, არ მიდის ევროპის მიმართულებით. ჩვენ ველით, რომ გარკვეული ნაბიჯები გადაიდგმება კანდიდატი ქვეყნის მიერ, როგორიც საქართველოა. საქართველო ნამდვილად არ დგამს სწორ ნაბიჯებს“, - განაცხადა კალასმა.
2024 წლის 26 ოქტომბრის საპარლამენტო არჩევნების შემდეგ დაწყებულ საპროტესტო აქციებთან დაკავშირებით „ქართული ოცნების“ ხელისუფლებამ 600-მდე ადამიანი დააკავა. მათგან 50-ზე მეტს ბრალი სისხლის სამართლის სხვადასხვა მუხლით აქვს წარდგენილი და რამდენიმეწლიანი პატიმრობა ემუქრება. დაკავებულთა შორისაა დამოუკიდებელი გამოცემების „ბათუმელებისა“ და „ნეტგაზეთის“ თანადამფუძნებელი და დირექტორი მზია ამაღლობელი.
