შვედეთ-საქართველოს საპარლამენტო მეგობრობის ჯგუფი „ქართული ოცნების“ პარლამენტთან ყველა კონტაქტს წყვეტს. ამის შესახებ გუსტავ გეტბერგმა, შვედეთის პარლამენტის დეპუტატმა განაცხადა.
ახალი ამბები
მკითხველის რჩეული
- 1 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 2 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 5 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
- 6 მანდატურზე თავდასხმის ბრალდებით დააკავეს აქტივისტი ნინო დათაშვილი
„შვედეთ-საქართველოს საპარლამენტო მეგობრობის ჯგუფმა მიიღო გადაწყვეტილება, დაუყოვნებლივ შეწყვიტოს ყველა კონტაქტი საქართველოს პარლამენტთან.
ჯგუფი ეწინააღმდეგება ახალი პრეზიდენტის არაკონსტიტუციურ დანიშვნას და საქართველოში ახალი არჩევნების ჩატარების მოწოდებით გამოდის. ჩვენ ქართველი ხალხის გვერდით ვდგავართ“, - წერს გეტბერგი პლატფორმა X-ზე.
დეკემბრის ბოლოს, შვედეთმა, ნორდიკული და ბალტიის კიდევ 7 ქვეყანასთან ერთად (დანია, ესტონეთი, ფინეთი, ისლანდია, ლატვია, ლიტვა, ნორვეგია), 26 ოქტომბრის საპარლამენტო არჩევნების წინ და მის დროს დაფიქსირებული დარღვევების საფუძვლიანი და მიუკერძოებელი გამოძიება მოითხოვა. აღნიშნულმა ქვეყნებმა ერთობლივი განცხადებით დაგმეს მშვიდობიანი მომიტინგეების, პოლიტიკოსებისა და მედიის წარმომადგენლების მიმართ ძალადობა, ასევე, მოუწოდეს „ქართულ ოცნებას“, განიხილოს ახალი არჩევნების შესაძლებლობა.
50 დღეა, ხელახალი არჩევნების ჩატარების მოთხოვნით, თბილისსა და რეგიონებში, მრავალრიცხოვანი აქციები იმართება. პოლიციამ მშვიდობიანი დემონსტრაციები არაერთხელ დაარბია, ასობით მონაწილე კი დააკავა. 50-მდე დაკავებულის წინააღმდეგ სისხლის სამართლის საქმეებია აღძრული და მათ მრავალწლიანი პატიმრობა ემუქრებათ.
