Sweden Herald-ი წერს, რომ შვედეთი საქართველოს მთავრობასთან პირდაპირ თანამშრომლობას აჩერებს და ამავდროულად, 25 მილიონ კრონს (დაახლოებით 6 მილიონი ლარი) გამოჰყოფს ქვეყნის სამოქალაქო საზოგადოებისთვის.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„საქართველოში განვითარებული მოვლენები უკვე გარკვეული პერიოდია შეშფოთებას იწვევს. ამას აძლიერებს საერთაშორისო დამკვირვებლების მიერ ამ საპარლამენტო არჩევნებზე დაფიქსირებული დარღვევები“, - ნათქვამია შვედეთის განვითარების თანამშრომლობისა და საგარეო ვაჭრობის მინისტრის, ბენჯამინ დოუსას წერილობით კომენტარში.
დოუსას განცხადებით, მცდელობები, ხელი შეეშალოს საქართველოს სამოქალაქო საზოგადოებას თავისი დემოკრატიული როლის შესრულებაში, მათ შორის შემზღუდავი კანონმდებლობის მეშვეობით, ეწინააღმდეგება ევროკავშირის ნორმებსა და ღირებულებებს.
„ამასთან დაკავშირებით, მთავრობა აჩერებს პირდაპირ თანამშრომლობას შვედეთსა და საქართველოს ხელისუფლებას შორის, რომელიც ჯერ კიდევ გრძელდება, მათ შორის საქართველოს საგადასახადო ორგანოებთან“, - განაცხადა ბენჯამინ დოუსამ.
მისივე თქმით, თანამშრომლობა შესაძლოა მომავალში განახლდეს, თუ საქართველო კვლავ დაუახლოვდება ევროკავშირს.
Sweden Herald-ის თანახმად, შვედეთის დახმარება საქართველოსთვის წელიწადში დაახლოებით 200 მილიონ შვედურ კრონს, ანუ დაახლოებით 51 014 774 ლარს შეადგენს. წელს ქვეყნის სამოქალაქო საზოგადოებისთვის 25 მილიონი გამოიყო.
