თბილისში, ჭავჭავაძის გამზირზე, 14 მარტს მოკლული 58 წლის მამაკაცი ე.წ. კანონიერი ქურდის, მერაბ ჯანგველაძის ძმა, ლევან ჯანგველაძეა.
ახალი ამბები
მკითხველის რჩეული
- 1 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 2 კობახიძე მაღაროელების პროტესტზე: რთულია კერძო ბიზნესს ხელფასების გადახდა მოსთხოვო
- 3 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 4 საიამ არჩევნებზე ფარულობის მასობრივ დარღვევაზე სტრასბურგის სასამართლოს მიმართა
- 5 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 6 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
მოკლულის ვინაობის შესახებ ინფორმაცია „ტვ პირველმა“ და „რუსთავი 2“-მა გაავრცელეს. ლევან ჯანგველაძის მკვლელობის შესახებ წერს „პრაიმ კრაიმიც“ - რუსული გამოცემა „ქურდული სამყაროს“ ცხოვრების შესახებ.
თვითმხილველების თქმით, ღამის 12 საათი ხდებოდა, როდესაც ჭავჭავაძის გამზირზე ათამდე გასროლის ხმა გაიგეს. რამდენიმე ტყვია ერთ-ერთ კვების ობიექტსაც მოხვდა.
შემთხვევის ადგილიდან გავრცელებულ ვიდეოჩანაწერში ჩანს, რომ მოკლული მამაკაცი და მისი თანმხლები პირი ტროტუარზე ფეხით გადაადგილდებოდნენ, როდესაც, სავარაუდოდ, ჩასაფრებული მკვლელი მათ უკან ამოუდგა, მათთან ერთად რამდენიმე მეტრი გაიარა და შემდეგ სროლა დაიწყო. პირველი რამდენიმე გასროლის შემდეგ ლევან ჯანგველაძე დაეცა, თუმცა შემდეგ ადგა და გზის სავალი ნაწილის მიმართულებით, ქვეითთა გადასასვლელისკენ სცადა გაქცევა. აქ მას კიდევ ესროლეს. თავდამსხმელმა გზა გადაკვეთა და გაქცევა მოახერხა. გაქცევა შეძლო მოკლულის თანმხლებმა მამაკაცმაც, რომელიც, არსებული ინფორმაციით, ფეხშია დაჭრილი.
ჟურნალისტებს ერთ-ერთმა რესპონდენტმა უთხრა, რომ მოკლულს ბიზნესი მოსკოვში ჰქონდა. შეკითხვაზე, რა უნდოდა მას ჭავჭავაძის გამზირზე, ქალი ამბობს, რომ პანაშვიდზე იმყოფებოდა.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
პოლიციას თავდამსხმელი ამ დრომდე არ დაუკავებია.
