საქართველოს ოფიციალური ვიზიტით აზერბაიჯანის პრეზიდენტი ილჰამ ალიევი ეწვია. თბილისის საერთაშორისო აეროპორტში პრეზიდენტსა და პირველ ლედის, მეჰრიბან ალიევას, „ქართული ოცნებიდან“ საგარეო საქმეთა მინისტრი მაკა ბოჭორიშვილი დახვდა.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 6 საქართველოს კათოლიკოს-პატრიარქი ილია II გარდაიცვალა
ვიზიტის ფარგლებში, ილჰამ ალიევმა პირისპირ შეხვედრა გამართა მიხეილ ყაველაშვილთან. ადმინისტრაციის ინფორმაციით, მხარეებმა განიხილეს ქვეყნებს შორის არსებული მტკიცე სტრატეგიული პარტნიორობა და სხვადასხვა სფეროში მიმდინარე წარმატებული თანამშრომლობა. ხაზი გაესვა რეგიონში სტაბილურობისა და მშვიდობის შენარჩუნების მნიშვნელობას საერთაშორისო წესრიგის ფუნდამენტური ცვლილებების ფონზე. მიხეილ ყაველაშვილმა აზერბაიჯანის პრეზიდენტს მადლობა გადაუხადა საქართველოს სუვერენიტეტის მხარდაჭერისთვის. ქართულმა მხარემ მადლიერება გამოხატა ილჰამ ალიევის მიერ პატრიარქ ილია II-ის გარდაცვალების გამო გამოხატული გულწრფელი თანაგრძნობისთვის.
„საქართველოსა და აზერბაიჯანს შორის არსებული მტკიცე სტრატეგიული პარტნიორობის მაღალ ნიშნულზე შენარჩუნება და მისი მრავალმხრივი განვითარება ჩვენთვის პრიორიტეტულია“, - აღნიშნა ყაველაშვილმა.
აზერბაიჯანის პრეზიდენტი მოგვიანებით ირაკლი კობახიძეს შეხვდება, რის შემდეგაც მედიისთვის ერთობლივი განცხადებები გაკეთდება. დაგეგმილია ასევე გმირთა მემორიალისა და ჰეიდარ ალიევის ხსოვნის პატივგება.
აზერბაიჯანის დელეგაციაში იმყოფებიან საგარეო საქმეთა, ეკონომიკის, ენერგეტიკისა და ტრანსპორტის მინისტრები.
პრეზიდენტის ვიზიტს წინ უძღოდა რეზონანსული მოვლენა - 5 აპრილის ღამეს საქართველოდან აზერბაიჯანში გააძევეს ჟურნალისტი აფგან სადიგოვი. მოსამართლე თორნიკე ქოჩქიანმა გადაწყვეტილება ღამის 04:00 საათზე გამოაცხადა. მოსამართლემ არ გაითვალისწინა ადამიანის უფლებათა ევროპული სასამართლოს აკრძალვა ჟურნალისტის ექსტრადიციაზე, სადაც მას პოლიტიკური დევნა და წამების საფრთხე ემუქრება.
პარალელურად, აზერბაიჯანული სამთავრობო მედია პოზიტიურად აფასებს თბილისსა და ბაქოს შორის არსებულ „სატრანზიტო რევოლუციას“. „ვიდრე მსოფლიოში სავაჭრო მარშრუტების გადანაწილებაზე დავები გრძელდება, აზერბაიჯანი და საქართველო აკეთებენ იმას, რაზეც სხვები მხოლოდ საუბრობენ – ისინი საკუთარ გეოგრაფიულ მდებარეობას რეალურ შემოსავლად და გავლენად აქცევენ. ეს ქვეყნები უკვე აღარ არიან უბრალოდ პარტნიორები შუა დერეფანში – ისინი ამ მარშრუტის ხერხემლად იქცნენ“, – წერს trend.az. რამდენიმე თვის წინ აზერბაიჯანული სამთავრობო მედია სომხეთთან სატრანზიტო ტარიფების საკითხზე საქართველოს ხელისუფლებას აკრიტიკებდა და „მშვიდობის წინააღმდეგ“ მოქმედებაში ადანაშაულებდა.
