თბილისის ცენტრში, რესტორნების რუსული ქსელის, „სიროვარნიას“ ფილიალი გაიხსნება და ინგლისური სახელწოდებით Cheesefarm ბიძინა ივანიშვილის კუთვნილ „პარაგრაფ თბილისში“ განთავსდება. „სიროვარნიას“ ვებ-გვერდზე რესტორნების მისამართებში საქართველოს დედაქალაქი უკვე დამატებულია და აღნიშნულია, რომ მალე გაიხსნებიან.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 5 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 6 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
გასტრონომიული ბრენდი „სიროვარნია“ რუსეთში ცნობილ რესტორატორს არკადი ნოვიკოვს და მის კომპანიას „ნოვიკოვ ჯგუფს“ ეკუთვნის. ნოვიკოვი რუსეთის პრეზიდენტის, ვლადიმერ პუტინის მხარდამჭერი ბიზნესმენია. 2012 და 2018 წლის საპრეზიდენტო არჩევნების დროს ის პუტინის რწმუნებული იყო.
რუსულენოვანი საინფორმაციო სააგენტო Smart Press-ი წერს, რომ საქართველოში არკადი ნოვიკოვის რესტორნის ფილიალის გახსნაზე საუბარი ჯერ კიდევ 2023 წელს დაიწყო, მას შემდეგ რესტორნის ფართი რემონტდებოდა და მისი აღჭურვა მიმდინარეობდა. რესტორანი ხუთვარსკვლავიანი სასტუმროს პირველ სართულზეა განთავსებული და სატესტო რეჟიმში უკვე მუშაობს, თუმცა, მისი ოფიციალური გახსნის თარიღი ჯერჯერობით უცნობია.
2025 წელს „სიროვარნიას“ 10 წელი უსრულდება და საქართველო გახდება მეექვსე ქვეყანა მსოფლიოში - არაბთა გაერთიანებული საამიროების, სომხეთის, ყაზახეთის, ტაჯიკეთისა და უზბეკეთის შემდეგ - სადაც მისი ფილიალი გაიხსნება.
„პარაგრაფ თბილისი“, „მარიოტის“ უმაღლესი კლასის Luxury Collection-ის ბრენდის სასტუმრო, 2023 წლის ნოემბერში მაშინდელმა პრემიერმა და „ქართული ოცნების“ ამჟამინდელმა თავმჯდომარემ, ირაკლი ღარიბაშვილმა გახსნა. ის განთავსებულია „პანორამა თბილისის“ შენობაში, რომელიც „ქართული ოცნების“ დამფუძნებლის, ამერიკის შეერთებული შტატების მიერ დასანქცირებული ბიძინა ივანიშვილის ინიციატივით აშენდა.
