„ქართული ოცნების“ მთავრობის კულტურის მინისტრმა, თიკა რუხაძემ თანამდებობა დატოვა. როგორც მან სამინისტროს ოფიციალურ ფეისბუკგვერდზე გამოქვეყნებულ განცხადებაში აღნიშნა, გადაწყვეტილება ჯანმრთელობის მდგომარეობიდან გამომდინარე, პრემიერ-მინისტრთან კონსულტაციის შემდეგ მიიღო.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
- 6 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
„პრემიერ-მინისტრთან კონსულტაციის შემდეგ, მივიღე გადაწყვეტილება, დავტოვო კულტურის მინისტრის თანამდებობა.
ჯანმრთელობის მდგომარეობიდან გამომდინარე, დამჭირდება მკურნალობის საგანგებო კურსის გავლა, რის გამოც ვერ შევძლებ მინისტრის მოვალეობის ჯეროვნად შესრულებას.
კულტურა არის სფერო, რომელიც განსაკუთრებულ ზრუნვასა და ყურადღებას მოითხოვს. ვწუხვარ, რომ ჯანმრთელობის მდგომარეობა არ მაძლევს საშუალებას, სათანადო ყურადღება დავუთმო იმ საქმეს, რომელიც ასე ძალიან მიყვარს და ჩემთვის ყველაზე ძვირფასია“, - წერია განცხადებაში.
თიკა რუხაძე კულტურის მინისტრის პოსტზე 2024 წლის 18 ოქტომბერს, საპარლამენტო არჩევნებამდე რამდენიმე დღით ადრე დაინიშნა.
მისი ქონებრივი დეკლარაციებიდან ირკვევა, რომ იგი ფლობს ძვირადღირებულ აქტივებსა და ნივთებს. მათ შორისაა მინისტრად დანიშვნის წინა დღეს - 2024 წლის 17 ოქტომბერს, 8100 ევროდ (დაახლოებით 23 949 ლარად) შეძენილი ძვირადღირებული ჩანთა.
