ამერიკის შეერთებული შტატების პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რის საფუძველზეც აშშ ტოვებს 66 საერთაშორისო ორგანიზაციასა და ინსტიტუტს, რომლებიც „ამერიკის ინტერესებს აღარ ემსახურებიან“.
ახალი ამბები
მკითხველის რჩეული
- 1 აზიის განვითარების ბანკმა არ დააკმაყოფილა საჩივარი ხარაგაულის დამეწყრილი სოფლებიდან
- 2 კადიროვმა თქვა, რა უშლის ხელს ითუმ-კალი – შატილის გზის მშენებლობას
- 3 სასამართლომ „ლუკოილ ჯორჯიას“ მითვისებული საწვავის დაბრუნება დაავალა
- 4 Nestle-მ ჩვილ ბავშვთა საკვების ნაწილი გაყიდვებიდან ამოიღო ტოქსინის გამო
- 5 პაპუაშვილი: ამ ომს ნამდვილად ჰყავს ორი დამარცხებული - უკრაინა და ევროკავშირი
- 6 საქსტატის თანახმად, საქართველოში საშუალო ხელფასი 2271 ლარია
ამ ორგანიზაციებიდან 31 გაეროს სტრუქტურებია. ტრამპის აღმასრულებელი ბრძანების თანახმად, ისინი შეერთებული შტატების ეროვნული ინტერესების, უსაფრთხოების, ეკონომიკური კეთილდღეობის ან სუვერენიტეტის საწინააღმდეგოდ მოქმედებენ. მათი დაფინანსება ყველა დეპარტამენტმა და სააგენტომ უნდა შეწყვიტოს.
„ეს დაასრულებს ამერიკელი გადასახადის გადამხდელების დაფინანსებას და ჩართულობას იმ ორგანიზაციებში, რომლებიც გლობალისტურ დღის წესრიგს აშშ-ის პრიორიტეტებზე მაღლა აყენებენ, ან რომლებიც მნიშვნელოვან საკითხებს არაეფექტურად წყვეტენ“, – ნათქვამია თეთრი სახლის ვებგვერდზე გამოქვეყნებულ განცხადებაში.
იმ ორგანიზაციებს შორის, რომლებიდანაც შეერთებული შტატები გადის, არიან ევროპის საბჭოს ვენეციის კომისია, უკრაინის მეცნიერებისა და ტექნოლოგიების ცენტრი, განახლებადი ენერგიის საერთაშორისო სააგენტო, გაეროს ქალთა ორგანიზაცია, შეიარაღებულ კონფლიქტში მყოფი ბავშვების საკითხებში გაეროს გენერალური მდივნის სპეციალური წარმომადგენლის ოფისი და სხვა.
დონალდ ტრამპმა პრეზიდენტობის მეორე ვადის განმავლობაში ხელი მოაწერა აღმასრულებელ ბრძანებებს, რომლითაც აშშ გავიდა ჯანდაცვის მსოფლიო ორგანიზაციიდან (WHO), გაეროს ადამიანის უფლებათა საბჭოდან, ახლო აღმოსავლეთში პალესტინელი ლტოლვილების დახმარებისა და მხარდაჭერის გაეროს სააგენტოდან (UNRWA) და გაერთიანებული ერების განათლების, მეცნიერებისა და კულტურის ორგანიზაციიდან (UNESCO).
