ეროვნულ-დემოკრატიული ინსტიტუტის (NDI) საერთაშორისო სადამკვირვებლო მისიის ერთ-ერთმა ხელმძღვანელმა, ევროკავშირის ყოფილმა ელჩმა საქართველოში პერ ეკლუნდმა განაცხადა, რომ წინასაარჩევნო პერიოდი დემოკრატიული არჩევნების ფუნდამენტურ სტანდარტებს ვერ აკმაყოფილებდა.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 თსუ-ის ფაკულტეტმა არ ისურვა ჩემთან ურთიერთობის გაგრძელება - დიტო საძაგლიშვილი
- 3 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 4 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 5 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
- 6 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
დღეს, 27 ოქტომბერს გამართულ პრესკონფერენციაზე პერ ეკლუნდმა თქვა, რომ 26 ოქტომბრის საპარლამენტო არჩევნებზე მაღალი აქტივობა დაფიქსირდა, რაც ადასტურებს საქართველოს მოქალაქეების ერთგულებას დემოკრატიული პროცესისადმი.
„ცხადია, რომ წინასაარჩევნო პერიოდი ვერ აკმაყოფილებდა დემოკრატიული არჩევნების ფუნდამენტურ სტანდარტებს.
სახელმწიფოს მიერ დაფინანსებული ძალისხმევა, რომ ძირი გამოეთხარა, ხელი შეეშალა სადამკვირვებლო მისიებისთვის, დაკვირვების პროცესებისთვის, კანონების გამოცემა, რომელიც სამოქალაქო საზოგადოების წინააღმდეგ იყო მიმართული, მუქარები, დაშინება ამომრჩევლისა და დამკვირვებლების მიმართ, როგორც წინა პერიოდში, ასევე არჩევნების დღეს, ძირს უთხრიდა მთლიანად პროცესის სამართლიანობას“, - განაცხადა ეკლუნდმა.
NDI-ის დელეგაციის დამკვირვებლები საქართველოს 10 რეგიონში მუშაობდნენ. როგორც პერ ეკლუნდმა თქვა, მათი დასკვნით, ხმის მიცემა ძირითადად კანონის შესაბამისად მიმდინარეობდა, თუმცა, დამკვირვებელთა ჯგუფებმა დააფიქსირეს „დარღვევების მნიშვნელოვანი ზრდა წინა არჩევნებთან შედარებით, მათ შორის, ძალადობის გამოყენება და ბიულეტენების ჩაყრა“.