თურქეთის რესპუბლიკის ეროვნული თავდაცვის სამინისტრო აცხადებს, რომ საქართველოში ჩამოვარდა თურქეთის შეიარაღებული ძალების C130 სატვირთო თვითმფრინავი, რომელიც აზერბაიჯანიდან თურქეთში მიფრინავდა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
- 6 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
„საქართველოში ჩამოვარდა აზერბაიჯანიდან ჩვენს ქვეყანაში მიმავალი C130 სატვირთო თვითმფრინავი. სამძებრო-სამაშველო სამუშაოები საქართველოს ხელისუფლებასთან კოორდინაციით დაიწყო“, - ნათქვამია სამინისტროს მიერ გავრცელებულ განცხადებაში.
თვითმფრინავი აზერბაიჯანის ქალაქ განჯიდან აფრინდა და როგორც ვებ-გვერდი Flightradar24 აჩვენებს, მასთან სიგნალი აფრენიდან მალევე დაიკარგა.
საქართველოს შინაგან საქმეთა სამინისტროს განცხადებით, თურქული სატვირთო ბორტი სიღნაღის მუნიციპალიტეტში, საქართველოს სახელმწიფო საზღვრიდან დაახლოებით 5 კილომეტრში ჩამოვარდა.
ქართულმა მხარემ გამოძიება სისხლის სამართლის კოდექსის 275-ე მუხლის მე-4 ნაწილი დაიწყო, რაც გულისხმობს საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
ჯერჯერობით ინფორმაცია არ გავრცელებულა ავიაკატასტროფის გამომწვევ მიზეზებსა და ბორტზე მყოფი სამხედროების რაოდენობაზე. სამძებრო-სამაშველო სამუშაოები გრძელდება.
თურქეთის შინაგან საქმეთა მინისტრ ალი იერლიქაიას განცხადებით, ტელეფონით ესაუბრა საქართველოს შინაგან საქმეთა მინისტრ გელა გელაძეს, რომელიც შემთხვევის ადგილზე მიემგზავრება.
C-130 „ჰერკულესი“ ამერიკული საშუალო და შორი მანძილის სამხედრო სატრანსპორტო თვითმფრინავია. თურქეთს C-130-ის ფლოტი 1960-იანი წლებიდან ჰყავს. ამ ტიპის თვითმფრინავის გამოყენება შესაძლებელია ისეთი მისიებისთვის, როგორიცაა საბრძოლო ვერტმფრენების გადაყვანა, საჰაერო თავდასხმები და ძებნა-გადარჩენა.
