ფშაველი-აბანო-ომალოს გზის 13 კილომეტრიანი მონაკვეთის რეაბილიტაციისთვის საავტომობილო გზების დეპარტამენტმა ტენდერი გამოაცხადა. პროექტის სავარაუდო ღირებულება 28 მილიონი ლარია. ინფრასტრუქტურის სამინისტროს განცხადებით, თუშეთის გზის რეაბილიტაციის პროექტი 8 მონაკვეთადაა დაყოფილი. წლის ბოლომდე, ტენდერი თუშეთის გზის ყველა მონაკვეთის სამუშაოებზე გამოცხადდება. პროექტი ეტაპობრივად, 2025 წელს დასრულდება და მისი საერთო ღირებულება 100 მილიონი ლარი იქნება.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 3 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
გზის ნაწილი, რომლის რეაბილიტაციაზეც ტენდერი უკვე გამოცხადდა, ფშაველი-აბანო-ომალოს გზის დაახლოებით მე-7 კილომეტრიდან იწყება. 6 კმ დაზიანებული ასფალტ-ბეტონის საფარია, დანარჩენი მონაკვეთი კი გრუნტის გზაა. სარეაბილიტაციო მონაკვეთი რამდენიმე სერპანტინისგან და სამი ხიდისგან შედგება.
საპროექტო გზის სიგანე ცვალებადია 4,5 - 6 მეტრი. იქ, სადაც გზის სიგანე 4,5 მეტრია, გათვალისწინებულია გზის გაფართოება.
სარეაბილიტაციო მონაკვეთის პირველ 10 კილომეტრზე დაგეგმილია ასფალტ-ბეტონის საფარის მოწყობა 6 მეტრიანი სიგანით, მოსახვევებში გაფართოებები, დანარჩენ სამ კილომეტრზე პროექტი ბეტონის გზის მოწყობას ითვალისწინებს.
სატენდერო წინადადებების მიღება 10 აგვისტოს დაიწყება და 15 აგვისტოს დასრულდება. სარეაბილიტაციო სამუშაოებისთვის 14 თვეა განსაზღვრული.
სამუშაოების შემსრულებელს ევალება დასრულებიდან 2 წლის განმავლობაში ხარვეზები საკუთარი ხარჯებით აღმოფხვრას.
კაპიტალური რეაბილიტაცია, ასფალტისა და ბეტონის საფარის მოწყობით მხოლოდ გზის პირველ მონაკვეთზეა დაგეგმილი. დანარჩენი მონაკვეთების საფარი გრუნტიანი დარჩება, აღდგება გზის დაზიანებული ადგილები და გაუმჯობესდება არსებული პარამეტრები.
ფშაველი-ომალოს საავტომობილო გზაა ერთადერთი სამანქანო გზაა თუშეთამდე, რომელიც თელავის სოფელ ფშაველიდან იწყება და აბანოს უღელტეხილის გავლით, ომალოს უკავშირდება. გზა გასული საუკუნის 60-70-იან წლებშია გაჭრილი. თუშეთის გზაზე ტრანსპორტის მოძრაობა წელიწადში დაახლოებით 4-5 თვის განმავლობაშია შესაძლებელი.
