უკრაინის საგარეო საქმეთა სამინისტრო გამოეხმაურა საქართველოს პრემიერ-მინისტრ ირაკლი კობახიძეს, რომელმაც თქვა, რომ დღეს უკრაინა „ჩამოქცეულია“ და საქართველოში „მაიდანს ვერავინ ეღირსება“. დიპლომატიური უწყების განცხადებაში ნათქვამია, რომ კობახიძის პოლიტიკური განცხადებები თანმიმდევრულ და პერმანენტულ დეგრადაციას განიცდის.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„უკრაინის საგარეო საქმეთა სამინისტრო გმობს საქართველოს პრემიერ-მინისტრის ირაკლი კობახიძის არამეგობრულ განცხადებებს და მის დამახინჯებულ შეფასებებს უკრაინაში განვითარებულ მოვლენებთან დაკავშირებით.
საქართველოს მთავრობის მეთაურის განცხადებები ჩვენს სახელმწიფოსთან, ღირსების რევოლუციასთან, თავისუფლებისა და დამოუკიდებლობისთვის უკრაინელი ხალხის გმირობასთან და ბრძოლასთან დაკავშირებით არის მიუღებელი და აღმაშფოთებელი.
არა უკრაინა, რომელიც იცავს თავს, არამედ მხოლოდ რუსეთი, რომელიც მოღალატურად თავს დაესხა ჩვენს მიწას, არის პასუხისმგებელი ათასობით დაკარგულ სიცოცხლეზე, უკრაინის ქალაქებისა და სოფლების ნგრევაზე. აღსანიშნავია, რომ ქართველი თანამდებობის პირის განცხადებაში სიტყვა „რუსეთი“ არასოდეს ყოფილა ნახსენები.
სამწუხაროა საქართველოს პრემიერ-მინისტრის პოლიტიკური განცხადებების თანმიმდევრული და პერმანენტული დეგრადაციის დანახვა, რომელთა გარჩევა რუსეთის ხელმძღვანელობის განცხადებებისგან ბოლო პერიოდში რთული გახდა.
რუსეთის ფედერაცია უნდა დაისაჯოს ყველა იმ დანაშაულისთვის, რომელიც ჩადენილია უკრაინაში, საქართველოში და სხვა ქვეყნებში ბოლო ათწლეულების განმავლობაში“, - განაცხადეს უკრაინის საგარეო საქმეთა სამინისტროში.
ქართველ პოლიტიკოსებს მოუწოდებენ, თავი შეიკავონ უკრაინის წინააღმდეგ მსგავსი განცხადებების, რომლებიც იმეორებს რუსულ ნარატივებს, გაკეთებისგან და საქართველოში შიდა პოლიტიკურ ბრძოლაში უკრაინის გამოყენებისგან.
საგარეო საქმეთა სამინისტროს განცხადებით, უკრაინა კვლავაც მხარს უჭერს საქართველოს სუვერენიტეტსა და ტერიტორიულ მთლიანობას, ქართველი ხალხის მისწრაფებებს მშვიდობისა და თავისუფლებისკენ, საკუთარი სახელმწიფოებრიობის და მსოფლიოს სხვა თავისუფალ ქვეყნებთან კავშირების განმტკიცებისკენ.
„შეგახსენებთ, უკრაინისთვის მაიდნის შედეგები რა იყო: მაშინ, რეალურად, უკრაინის ხელისუფლება გარედან დანიშნეს, ჯერ ერთხელ და მერე მეორედ. საბოლოო ჯამში კი, ვინც გარედან მთავრობა დანიშნა, იმას პასუხისმგებლობა აღარ აუღია იმ მოვლენებზე, რომლებიც შემდეგ ამ ქვეყანაში განვითარდა. 2013 წლამდე უკრაინა იყო ქვეყანა, რომელსაც ტერიტორიული მთლიანობა ჰქონდა, მისი ეკონომიკა კი 200 მილიარდი დოლარი იყო. დღეს ეს ქვეყანა ჩამოქცეულია. მისი ეკონომიკა კი ამდენი წლის შემდეგ, თვისობრივად შემცირებულია. ასევე, უკრაინის ტერიტორიის 20% ოკუპირებულია, ათიათასობით ადამიანი კი დაიღუპა. ამაზე პასუხისმგებლობას ვინ იღებს? არავინ“, - განაცხადა საქართველოს პრემიერ-მინისტრმა 30 მაისს.
