ვარშავის ცენტრში, კონსტიტუციის მოედანზე მდებარე ქართული რესტორნის წინ მომხდარი ჩხუბის შედეგად, საქართველოს ერთი მოქალაქე, 31 წლის მამაკაცი დაიღუპა. ამის შესახებ ინფორმაციას ადგილობრივი მედია და პოლიცია ავრცელებენ.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 3 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
პოლიციის ცნობით, ჩხუბის შედეგად საქართველოს სამი მოქალაქე დაშავდა, ერთ-ერთი მათგანი გულმკერდის ჭრილობით საავადმყოფოში გადაიყვანეს, სადაც ექიმების მცდელობის მიუხედავად, გარდაიცვალა. მომხდართან დაკავშირებით საქართველოს სამი მოქალაქე დააკავეს, რომელთა ვინაობას პოლიცია არ ასახელებს.
ადგილობრივი მედიასაშუალებები იუწყებიან, რომ ჩხუბი პარასკევს, გვიან საღამოს მოხდა. დაპირისპირება, რომელშიც, თვითმხილველების თქმით, 8-10 ადამიანი მონაწილეობდა, თავდაპირველად რესტორან „გენაცვალეში“ დაიწყო, შემდეგ კი გარეთ გაგრძელდა.
მედიის ინფორმაციით, გარდაცვლილ მამაკაცს გულმკერდის არეში ჭრილობა დანით აჰქონდა მიყენებული.
