საზოგადოებრივი მაუწყებლის სამეურვეო საბჭოს თავმჯდომარემ, ვასილ მაღლაფერიძემ უარი თქვა შეერთებოდა საბჭოს დაკავებული წევრის, ლიკა ბასილაია-შავგულიძის მხარდამჭერ განცხადებას.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
განცხადება სამეურვეო საბჭოს წევრებმა, ლაშა ტუღუშმა და ზაზა აბაშიძემ დღეს, 24 ოქტომბერს, გამართულ სხდომაზე წარადგინეს და სხვა წევრებსაც შესთავაზეს, რომ შეერთებოდნენ.
„მე, რა საკვირველია, არ შემოვუერთდები იმიტომ, რომ ჩემი ინდივიდუალური მოსაზრებაა, ინდივიდუალური და მე არც მისაუბრია კოლეგებთან, მე არც ქუჩის გადაკეტვის სოლიდარული ვარ, არც პოლიციის მანქანებზე ასვლის მიმართ ვარ სოლიდარული და არც შეურაცხყოფების მიმართ ვარ სოლიდარული, არც საჯაროდ და არც შიგნით, არც სხდომის შიგნით“, – განაცხადა ვასილ მაღლაფერიძემ.
ლაშა ტუღუშმა აღნიშნა, რომ განცხადების ავტორებს საბჭოს თავმჯდომარის მხარდაჭერის იმედი არც ჰქონიათ.
ლიკა ბასილაია-შავგულიძე პოლიციის დაახლოებით ათმა თანამშრომელმა 22 ოქტომბერს, რუსთაველის გამზირზე დააკავა იმ დროს, როდესაც პოლიციას მიმართავდა.
ამ დრომდე უცნობია, რას ედავებიან საზოგადოებრივი მაუწყებლის სამეურვეო საბჭოს წევრს. ის დროებითი მოთავსების იზოლატორში იმყოფება და სამართალდარღვევის ოქმი ჯერ არ ჩაბარებია.
