უკრაინის პრეზიდენტმა, ვოლოდიმირ ზელენსკიმ დონალდ ტრამპს ამერიკის შეერთებული შტატების საპრეზიდენტო არჩევნებში „შთამბეჭდავი“ გამარჯვება მიულოცა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ვულოცავ დონალდ ტრამპს შთამბეჭდავ საარჩევნო გამარჯვებას! მახსოვს ჩვენი შესანიშნავი შეხვედრა პრეზიდენტ ტრამპთან ჯერ კიდევ სექტემბერში, როდესაც დეტალურად განვიხილეთ უკრაინა-ამერიკის ურთიერთობა, სტრატეგიული პარტნიორობა, „გამარჯვების გეგმა“ და უკრაინის წინააღმდეგ რუსული აგრესიის დასრულების გზები.
მე ვაფასებ პრეზიდენტ ტრამპის ერთგულებას „მშვიდობა ძალის მეშვეობით“ მიდგომისადმი გლობალურ საკითხებში. სწორედ ამ პრინციპს შეუძლია პრაქტიკულად მოაახლოოს სამართლიანი მშვიდობა უკრაინაში. ვიმედოვნებ, რომ ჩვენ ერთად მოვიყვანთ მას მოქმედებაში“, - დაწერა ზელენსკიმ პლატფორმა X-ზე.
მან ასევე თქვა, რომ მოუთმენლად ელის შესაძლებლობას, პირადად მიულოცეს ტრამპს გამარჯვება და განიხილოს მასთან უკრაინასა და შეერთებულ შტატებს შორის სტრატეგიული პარტნიორობის გაძლიერების გზები.
„ჩვენ მოუთმენლად ველით ამერიკის შეერთებული შტატების ძლიერი ეპოქას პრეზიდენტ ტრამპის გადამწყვეტი ლიდერობით. ჩვენ ვეყრდნობით უკრაინის მიმართ მუდმივ ორპარტიულ მხარდაჭერას შეერთებულ შტატებში. ჩვენ დაინტერესებული ვართ განვავითაროთ ურთიერთსასარგებლო პოლიტიკური და ეკონომიკური თანამშრომლობა, რომელიც სარგებელს მოუტანს ორივე ერს. უკრაინა, როგორც ევროპის ერთ-ერთი უძლიერესი სამხედრო ძალა, მოწოდებულია უზრუნველყოს გრძელვადიანი მშვიდობა და უსაფრთხოება ევროპასა და ტრანსატლანტიკურ საზოგადოებაში ჩვენი მოკავშირეების მხარდაჭერით“, - წერს უკრაინის პრეზიდენტი.
ამერიკის შეერთებულ შტატებში 5 ნოემბერს გამართულ საპრერზიდენტო არჩევნებში რესპუბლიკური პარტიის კანდიდატმა, დონალდ ტრამპმა გაიმარჯვა. მისი კონკურენტი დემოკრატიული პარტიიდან მოქმედი ვიცე-პრეზიდენტი კამალა ჰარისი იყო.
78 წლის დონალდ ტრამპი შეერთებული შტატების 47-ე პრეზიდენტი იქნება. მას გამარჯვება მიულოცეს მსოფლიოს მრავალი ქვეყნის ლიდერებმა, მათ შორის დიდმა ბრიტანეთმა, საფრანგეთმა და ისრაელმა.
