ქართველი მოჭიდავე, 31 წლის ზურაბ დათუნაშვილი, რომელიც საქართველოში მასზე განხორციელებული ძალადობის შემდეგ, სერბეთის სახელით ასპარეზობს, მეორედ გახდა მსოფლიო ჩემპიონი. ბელგრადში მიმდინარე მსოფლიო პირველობაზე, დათუნაშვილმა 87 კგ წონითი კატეგორიის ფინალში დანიის სახელით მოასპარეზე, წარმოშობით ჩეჩენი ტურფალ ბისულთანოვი ანგარიშით 6:2 დაამარცხა და ოქროს მედალი მოიპოვა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
ფინალამდე ზურაბ დათუნაშვილმა გერმანელი ჰანეს ვაგნერი (5:0), შვედი ალექს კესიდისი (4:1) და უნგრელი დავიდ ლოსონჩი (4:3) დაამარცხა.
ბერძნულ-რომაული სტილით მოჭიდავე ზურაბ დათუნაშვილი სერბეთის სახელით 2020 წლიდან ასპარეზობს. მან მსოფლიო ჩემპიონის ტიტული გასულ წელსაც მოიპოვა და ასევე, ტოკიოს ოლიმპიური თამაშების ბრინჯაოს მედლის მფლობელი გახდა.
ზურაბ დათუნაშვილს საქართველოს სახელით ორჯერ აქვს მოპოვებული ევროპის ჩემპიონის ტიტული. ჩვენი ქვეყანა მან 2019 წელს დატოვა, ჭიდაობის ეროვნული ფედერაციის პრეზიდენტთან, გეგა გეგეშიძესთან დაპირისპირების შემდეგ.
გეგეშიძე დათუნაშვილის მიმართ ძალადობის ბრალდებით 2019 წლის 22 იანვარს დააკავეს. 11 იანვარს, სპორტის სასახლეში მომხდარი დაპირისპირების დროს, ფედერაციის პრეზიდენტმა მოჭიდავეს თავში რკინის ბლაგვი საგანი ჩაარტყა. სასამართლომ გეგეშიძეს აღკვეთის ღონისძიების სახით 5000-ლარიანი გირაო შეუფარდა და გაათავისუფლა. ამასთან, მოსამართლემ არ დააკმაყოფილა პროკურატურის შუამდგომლობა ფედერაციის პრეზიდენტის თანამდებობიდან გეგეშიძის ჩამოშორების თაობაზე.
ზურაბ დათუნაშვილმა გეგა გეგეშიძის გადაყენებას მოთხოვნა ფედერაციის პრეზიდიუმის წინაშეც დააყენა, თუმცა უშედეგოდ. 2021 წელს გეგეშიძე მეორე ვადით, კიდევ ოთხი წლით აირჩიეს ჭიდაობის ფედერაციის პრეზიდენტად.
