Մինչև 2021 թվականի հունվարի 1-ը առաջացած ֆիզիկական անձանց հարկային պարտքերը կզրոյացվեն։ Կառավարության այսօրվա նիստում վարչապետ Իրակլի Կոբախիձեն հայտարարել է, որ խորհրդարանը կընդունի համապատասխան օրինագիծ։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 Դատարանը Ադրբեջանում ձերբակալված Ռուսաստանի քաղաքացիներին դատապարտել է նախնական կալանքի
- 3 «Վրացական երազանքի» էկոնոմիկայի նախարար Լևան Դավիթաշվիլին ազատվել է պաշտոնից
- 4 Հայաստանում պետական հեղաշրջման գործով ձերբակալվել է Վահագն Չախալյանը
- 5 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 6 Մենք պետք է գործենք հենց այսօր, եթե չենք ուզում երկրորդ Բելառուս Կովկասում․ ԵԽԽՎ փոխնախագահ
«Տնտեսական խորհրդում մենք կարևոր որոշում ենք կայացրել ֆիզիկական անձանց հարկային համաներման վերաբերյալ։ Վրաստանում կան բավականին մեծ թվով ֆիզիկական անձինք, ովքեր ունեն հարկային պարտքեր, և այդ պատճառով նրանք զրկված են տնտեսական գործունեություն ծավալելու հնարավորությունից, ուստի որոշեցինք զրոյացնել համապատասխան պարտքերը, մասնավորապես՝ բոլոր ֆիզիկական անձանց, այդ թվում՝ անհատ ձեռներեցների դեպքում, ամբողջությամբ կզրոյացվեն մինչև 2021 թվականի հունվարի 1-ը առաջացած և չվճարված ճանաչված հարկային պարտքերը, ներառյալ դրանց տույժերը»,- ասել է Կոբախիձեն։
Վարչապետի խոսքով՝ հարկային համաներումը կվերաբերի 145 հազար ֆիզիկական անձի, իսկ զրոյացվող հարկային ընդհանուր պարտքը կազմում է 590 մլն լարի։
«Համապատասխանաբար, մեր 145 հազար համաքաղաքացիներ հնարավորություն կունենան ակտիվորեն ներգրավվել մեր տնտեսական կյանքում, ինչը կնպաստի տնտեսության զարգացմանը»,- ասել է Իրակլի Կոբախիձեն։
