2024 թվականին Վրաստան է ներմուծվել 2 781 481 558 լարիի 1 668 280 հազար լիտր բենզին և դիզելային վառելիք, ինչը 8,2 տոկոսով գերազանցում է 2023 թվականի համանման ցուցանիշը (1 541 612 հազար լիտր)։ Այս մասին ասված է ավտոմոբիլային վառելիքի (բենզին, դիզել) շուկայի մոնիտորինգի վերաբերյալ միջանկյալ զեկույցում, որն այսօր հրապարակել է Մրցակցության և սպառողների իրավունքների պաշտպանության գործակալությունը։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Բաթումիում խմբով հարձակվել են Գիորգի Գախարիայի վրա
- 5 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
- 6 Վրաստանն Ամերիկայի համար կարող է մեծ հաջողություն լինել, կամ մեծ խնդիր՝ Կովկասում. Զուրաբիշվիլի
Նախորդ տարի վառելիքի ներմուծման ամենամեծ ծավալը եղել է Ռուսաստանի Դաշնությունից՝ 54%, որին հաջորդում են Բուլղարիան՝ 16,7% և Ռումինիան՝ 14,7%։
Մրցակցության և սպառողների իրավունքների պաշտպանության գործակալության տվյալների համաձայն՝ Ռուսաստանից վառելիքի ներմուծումը նվազել է՝ 2023 թվականին այս երկրից ներմուծվել է վառելիքի 62,5%-ը, իսկ եվրոպական վառելիքի մասնաբաժինը աճել է։
2024 թվականին վառելիք է ներմուծվել 47 տնտեսվարողների կողմից։ Ըստ հաշվետվության՝ ներմուծման ընդհանուր ծավալում 3 խոշորագույն ներմուծող տնտեսական գործակալների տեսակարար կշիռը կազմել է 44%, իսկ 5 խոշոր ներմուծողներինը՝ 62%։
«Շուկայի ներմուծման մակարդակում գերիշխող տնտեսվարող չկա։ Բացակայում է նաև խմբային գերիշխող դիրքի առկայության համար անհրաժեշտ բաղադրիչներից մեկը՝ շուկայական մասնաբաժինների տեսքով», - նշել են Մրցակցության և սպառողների իրավունքների պաշտպանության գործակալությունից։
Ինչ վերաբերում է շուկայի մանրածախ առևտրի մակարդակին, ապա անցյալ տարի 383 ընկերություն շահագործել է 1 238 ավտոլցակայան։ 5 խոշոր ընկերությունների մասնաբաժինը կազմել է 67,1% (500 ավտոլցակայան)։
Հաշվետվության համաձայն՝ 2024 թվականի հունվարից փետրվար ընկած ժամանակահատվածը բնութագրվել է գների նվազման միտումով։ Մարտ-հունիս ամիսներին խոշոր ընկերությունների կողմից ներմուծվող վառելիքի ինքնարժեքը հունվար-փետրվարի համեմատ աճել է, համապատասխանաբար աճել են նաև մանրածախ գները։ Հաշվետվության մեջ նշվում է, որ խոշոր ընկերությունների կողմից ներմուծվող վառելիքի ինքնարժեքը նվազել է հուլիսից սեպտեմբեր ընկած ժամանակահատվածում, իսկ մանրածախ գները նվազել են սեպտեմբերի 23-ից հոկտեմբերն ընկած ժամանակահատվածում։ Գործակալության տեսանկյունից սա կարելի է համարել ուշացած արտացոլում:
