Հոկտեմբերի 15-ին օկուպացված Բալաանի գյուղի մոտ ռուսական օկուպացիոն ուժերի կողմից ապօրինի ձերբակալված Վասիկո Քենքաձեն ազատության մեջ է և գտնվում է կենտրոնական իշխանության կողմից վերահսկվող տարածքում։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Նոյեմբերի 27-ին Վասիկո Քենքաձեն Ախալգորիի դե ֆակտո դատարանի կողմից դատապարտվել և մեղավոր է ճանաչվել Ռուսաստանի Դաշնության քրեական օրենսգրքի համաձայն՝ այսպես կոչված պետական սահմանը ապօրինի հատելու համար։ Քենքաձեին պարտավորեցրել են տուգանք վճարել 50 հազար ռուսական ռուբլիի չափով։
«Վասիկո Քենքաձեին անօրինական ազատազրկումից ազատելու գործընթացում ակտիվորեն կիրառվել է թեժ գծի մեխանիզմը։ Անօրինական կալանքից նրան անհապաղ ազատելու հարցը բարձրացրել է Վրաստանի կենտրոնական կառավարությունը Միջադեպերի կանխարգելման և արձագանքման մեխանիզմի (IPRM) 115-րդ նիստում։ Վրաստանի կենտրոնական կառավարությունը մշտական հիմունքներով տեղեկատվություն է տրամադրել միջազգային գործընկերներին։
Կենտրոնական կառավարությունը միջազգային գործընկերների հետ միասին կշարունակի ակտիվորեն աշխատել օկուպացված տարածքներում ապօրինի բանտարկված Վրաստանի բոլոր քաղաքացիներին ազատ արձակելու համար»,- ասվում է Վրաստանի պետական անվտանգության ծառայության հայտարարության մեջ։
Նոյեմբերի 25-ին Ռուսաստանի օկուպացիոն ուժերի ներկայացուցիչները Գորիի մունիցիպալիտետի Աձվի գյուղի մոտ գտնվող օկուպացված տարածքում ապօրինի ձերբակալել են Վրաստանի երեք քաղաքացու։
Ցխինվալիում այս պահին անօրինական կալանքի տակ է գտնվում Վրաստանի 7 քաղաքացի։
