2023 թվականի առաջին վեց ամիսների ընթացքում Աբխազիայի օկուպացիոն գծի մերձակայքում դե ֆակտո անվտանգության ծառայության և ՌԴ Անվտանգության դաշնային ծառայության սահմանային բաժնի աշխատակիցները «սահմանային ռեժիմը խախտելու» համար ձերբակալել են ավելի քան 400 մարդու։ Այս տվյալները հրապարակել է Աբխազիայի դե ֆակտո կառավարությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Նույն ժամանակահատվածում այսպես կոչված Աբխազիայի Հանրապետության սահմանն ապօրինի հատելու հոդվածով վեց քրեական գործ է հարուցվել։
«Վեց ամսվա ընթացքում Էնգուրի գետով կանխվել է ապօրինի ապրանքներ տեղափոխելու ութ փորձ, առգրավվել է ավելի քան 600 բլոկ ծխախոտ և վեց կրիպտոարժույթի մայներ», - ասել են այսպես կոչված Պետական անվտանգության ծառայությունում։
Օրերս օկուպացված Ցխինվալիի շրջանի «կառավարությունը» ևս տվյալներ է հրապարակել օկուպացիոն գծի մոտ ձերբակալությունների մասին։ Մասնավորապես, Հարավային Օսիայի դե ֆակտո Հանրապետության Պետական անվտանգության կոմիտեի սահմանապահ ծառայությունը հայտարարել է, որ 2023 թվականի առաջին վեց ամիսների ընթացքում «պետական սահմանի» տարբեր հատվածներում ձերբակալվել է 185 իրավախախտ։ Նրանցից 121-ը տուգանվել է, 3-ը առանց տուգանքի վտարվել «Հանրապետությունից», 46-ը նախազգուշացվել է, իսկ 7-ի նկատմամբ քրեական գործ է հարուցվել։
Վրաստանի պետական անվտանգության ծառայությունն իր տարեկան հաշվետվություններում ամփոփ տեղեկատվություն է հրապարակել անօրինական ձերբակալությունների վերաբերյալ։ ՊԱԾ-ի տվյալներով՝ 2022 թվականի ընթացքում օկուպացիոն ուժերը օկուպացված Ցխինվալիի շրջանի ուղղությամբ ապօրինաբար ձերբակալել են 44, իսկ օկուպացված Աբխազիայի ուղղությամբ՝ 13 մարդու։ Բացի անօրինական կալանավորումներից, ինչպես նշում է ՊԱԾ-ը, Վրաստանի կենտրոնական իշխանության վրա ճնշում գործադրելու նպատակով Ռուսաստանը շարունակել է իրականացնել ապօրինի սահմանազատման գործընթացը և անվտանգության միջավայրը վնասող այլ գործողություններ:
