NDI-ի նոր հետազոտության համաձայն՝ Վրաստանի բնակչության 79 տոկոսը կողմ է Եվրոպական միությանը երկրի անդամակցելուն։ Վերջին մեկ տարվա ընթացքում զգալիորեն ավելացել է այն մարդկանց թիվը, որոնք ԵՄ-ին համարում են Վրաստանի գլխավոր տնտեսական և քաղաքական գործընկեր։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ամեն երկրորդ քաղաքացին ասում է, որ ՆԱՏՕ-ին և Եվրոպական միությանն անդամակցելը երկրին ամենաշատը կօգնի ամրապնդել իր անվտանգությունը։
Մեծամասնության կարծիքով՝ Եվրամիությունը (60%) և ԱՄՆ-ը (38%) պետք է լինեն Վրաստանի հիմնական քաղաքական գործընկերները։ Ընդդիմության կողմնակիցների շրջանում համեմատաբար մեծ է ԵՄ-ի և ԱՄՆ-ի հետ համագործակցելու ցանկությունը։
Եվրամիության հետ գործընկերությունն ամենաբարձր աջակցությունը Թբիլիսիում է, իսկ ամենացածրը՝ էթնիկ փոքրամասնությունների բնակավայրերում: Էթնիկ փոքրամասնությունները ավելի շատ աջակցում են Ռուսաստանի, Թուրքիայի և Ադրբեջանի հետ սերտ քաղաքական համագործակցությանը: Էթնիկ փոքրամասնությունների մեկ քառորդը Ռուսաստանի հետ ավելի լավ հարաբերությունների փոխարեն պատրաստ է հրաժարվել ԵՄ-ին և ՆԱՏՕ-ին անդամակցելուց։
«Վրացական երազանքի» յուրաքանչյուր երրորդ և ընդդիմության յուրաքանչյուր հինգերորդ կողմնակիցը կողմ է Ռուսաստանի հետ քաղաքական սերտ համագործակցությանը։
Բնակչության կարծիքը կիսված է, թե ինչ ջանքեր է գործադրում կառավարությունը երկրի՝ Եվրամիությանն անդամակցելու համար։ «Վրացական երազանքի» կողմնակիցներն ու գյուղաբնակ բնակչությունն ամենաշատն են հավատում, որ կառավարությունն ամեն ինչ անում է Վրաստանի ԵՄ անդամակցության համար։
Բնակչության կարծիքով՝ ամենամեծ վտանգը ռուսական ռազմական ագրեսիան ու քարոզչությունն է։
Հարցին՝ ըստ Ձեզ, ո՞րն է Վրաստանի ազգային անվտանգության ամենամեծ վտանգը, պատասխանները բաշխվել են հետևյալ կերպ.
- Ռուսական ռազմական ագրեսիա՝ 27%,
- Աբխազիայի և Հարավային Օսիայի օկուպացիա՝ 13%,
- Ռուսական քարոզչություն՝ 11%,
- Ահաբեկչություն՝ 5%,
- Անօրինական միգրանտների մուտքը Վրաստան՝ 4%,
- Տնտեսական կախվածությունը Ռուսաստանից՝ 3%,
- Այլ՝ 18%,
- Չգիտեմ՝ 16%։
Հարցումն իրականացվել է CRRC Georgia-ի կողմից NDI-ի պատվերով 2023 թվականի հոկտեմբեր-նոյեմբեր ամիսներին՝ դեմ առ դեմ հարցազրույցի մեթոդով։ Հետազոտությանը մասնակցել է 2068 մարդ, միջին սխալի սահմանը +/- 2,2% է: Հետազոտությունը ֆինանսավորվում է Մեծ Բրիտանիայի և Հյուսիսային Իռլանդիայի Միացյալ Թագավորության Արտաքին գործերի, Համագործակցության և զարգացման գրասենյակի լավ կառավարման հիմնադրամի կողմից։