Աբխազ գործարար ու այսպես կոչված ընդդիմության առաջնորդներից Լևան Միքաան, ով ներգրավված էր նոյեմբերյան ցույցերի մեջ, զրկվել է Ռուսաստանի քաղաքացիությունից։ Ռուսական RT պետական լրատվամիջոցը հայտնում է, որ այս տեղեկությունն իրենց հաստատել են իրավապահ մարմինների աղբյուրները։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 4 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 5 Եթե Իվանիշվիլին իրականացնի դեկտեմբերի 29-ի ծրագիրը, նա պետք է սպասի անհավանական պատասխանի․ Ուիլսոն
- 6 Կավելաշվիլին պնդում է, որ Վրաստանի եվրաինտեգրման գործընթացը շարունակվում է
Լևան Միքաան ակտիվորեն մասնակցել է օկուպացված Աբխազիայում 2024 թվականի նոյեմբերին սկսված բողոքի ցույցերին, երբ այսպես կոչված ըդդիմությունն ու նրա կողմնակիցները սկզբում գրավեցին դե ֆակտո խորհրդարանը, ապա նախարարների կաբինետը և նախագահի աշխատակազմի շենքերը։ Ակցիաներից հետո այսպես կոչված նախագահ Ասլան Բժանիան հրաժարական տվեց և նշանակվեց արտահերթ նախագահական ընտրություններ։
Սոխումիում բողոքի ցույցեր են սկսվել այն բանից հետո, երբ դե ֆակտո խորհրդարանը մերժել է վավերացնել Ռուսաստանի հետ կնքված այսպես կոչված ներդրումային համաձայնագիրը։ Այսպես կոչված ընդդիմությունը կարծում է, որ եթե փաստաթուղթն ուժի մեջ մտնի, ռուսական ընկերությունները դե ֆակտո հանրապետությունում կսկսեն բնակարաններ կառուցել, իսկ ռուսական բիզնեսը կընդլայնվի «համաձայնագրով» նախատեսված արտոնությունների ներքո, ինչը կվնասի տեղի փոքր և միջին ձեռնարկատերերին, առաջին հերթին տուրիզմի ոլորտը, որին բաժին է ընկնում չճանաչված հանրապետության բյուջեի եկամուտների գրեթե կեսը։
«Երբ մենք ասում ենք, որ Ռուսաստանի հետ մեր ասիմետրիկ հարաբերություններում մենք չենք կարող բացել մեր բնակարանային շուկան, քանի որ մենք փոքր ազգ ենք, և եթե բացենք մեր բնակարանային շուկան, կկորցնենք մեր ինքնությունը, մեր լեզուն, մեր մշակույթը և պարզապես կվերանանք, սա պետք է լինի ընդունված և սա «արդարացի է»,- հարցազրույցներից մեկում ասել է Լևան Միքաան։
2024 թվականի դեկտեմբերի 3-ին այսպես կոչված խորհրդարանը դեմ է քվեարկել Ռուսաստանի հետ ներդրումային համաձայնագրի վավերացմանը։ Հունվարին տեղեկություն հաղորդվեց, որ Ռուսաստանի քաղաքացիությունից զրկվել է այսպես կոչված ընդդիմադիր պատգամավոր Կան Կվարչիան, ով «համաձայնագիրը» անվանել է կաբալային և հայտարարել, որ այն չի կարող վավերացվել։
