Աբխազիան չի զարգանում, այն պարզապես մեռնում է, քանի որ դա էր ուզում Պուտինը․ Զելենսկի

«Օրինակ, Վրաստանը, որը շարժվում էր դեպի Եվրամիություն ու ՆԱՏՕ, հիմա վերադառնում է Ռուսաստան՝ չնայած սառեցված հակամարտություններին։ Նրանք Աբխազիայում ունեն այն, ինչ մենք ունենք Դոնբասում, որը վերահսկվում է գրոհայինների կողմից։

Աբխազիան չի զարգանում։ Դա ուղղակի Վրաստանի մի շատ գեղեցիկ հատված է, որը մեռնում է։ Եթե ​​դուք երբևէ հնարավորություն ունենաք գնալ այնտեղ, ապա կհասկանաք, որ դա պարզապես մահանում է, քանի որ դա էր ուզում Պուտինը: Նա ցանկանում էր կանխել նրանց զարգացումը։ Սառեցված հակամարտությունը նշանակում է, որ ձեզ չեն ընդունի ԵՄ և, իհարկե, ոչ ՆԱՏՕ, քանի որ, այո, ձեզ չեն ընդունի սառեցված հակամարտության պատճառով:

Ահա թե ինչ արեց Պուտինը։ Նրա համար շատ կարևոր է չկորցնել այս ազդեցությունը։ Հենց նա հետ բերեց Վրաստանը։ Երիտասարդներ, ուսանողներ, բոլորը գնում են ու սա փաստ է։ Վրաստանը բավականին փոքր է։ Նրանք գնում են, ցանկանում են ապրել Եվրոպայում և ցանկանում են զարգանալ՝ ինչ-որ մեկը ԱՄՆ-ում, ինչ-որ մեկը Եվրամիությունում, ինչ-որ մեկը՝ Բրիտանիայում»,- ասել է Զելենսկին։

Ուկրաինայի նախագահի խոսքով՝ Պուտինի հաջորդ քայլը կլինի Մոլդովայում՝ ապրիլին նա «կպայքարի Մոլդովայի խորհրդարանի համար»։

«Նա կսկսի Մոլդովան հեռացնել Եվրոպայից, չնայած նրանք [մոլդովացիները] ցանկանում են գնալ այնտեղ։ Նրան դա չի հետաքրքրում: Կլինի պրոռուսական կուսակցություն, և գործող նախագահին ինչ-որ բան կանեն, քանի որ նա հաղթել է ընտրություններում, նա եվրոպամետ է, բայց ինքը [Պուտինը] կշրջի դա։ Հաջորդ քայլերը միանգամայն պարզ են՝ նա ամեն ինչ կանի այնտեղ, որտեղ կորցրել է ազդեցությունը, որտեղ եղել է Խորհրդային Միության ազդեցությունը։ Նա հետ կվերցնի այնքան, որքան կարող է, և մենք հասկանում ենք, թե ինչ գնով»,- ասել է Վլադիմիր Զելենսկին։