Օկուպացված Աբխազիայի դե ֆակտո նախագահ Ասլան Բժանիան պաշտոնից ազատել է այսպես կոչված ներքին գործերի նախարար Վալտեր Բութբային, իսկ նրան փոխարինող է նշանակվել Ռոբերտ Կյուտին, ով մինչ այդ ղեկավարել է «Պետական անվտանգության ծառայությունը»։
Լրահոս
Ընթերցողի ընտրանի
- 1 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 2 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 3 Բիձինա Իվանիշվիլին հրաժարվել է հանդիպել պետքարտուղարի օգնական Ջիմ Օ՛Բրայենի հետ
- 4 Եթե օրենքը չփոխվի, կլինեն սահմանափակումներ պատասխանատուների և նրանց ընտանիքների նկատմամբ․ Օ'Բրայեն
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
Ինչպես Բժանիան է ասել ՆԳ նախարարության աշխատակիցներին, ինքը հույս ունի, որ նոր նախարարի կողմից իր լիազորությունների իրականացումը «անցավ» կլինի, և նա «կտրուկ քայլերի» չի գնա։
«Երկրում ստեղծված իրավիճակը հեշտ չէ, թեև որոշակի ուղղություններով լավ արդյունքներ ունենք։ Հասարակությունը պահանջում է, որ ընդհանուր առմամբ ուժային կառույցներում, մասնավորապես, ՆԳՆ-ում աշխատանքն ավելի ակտիվ լինի։ Մենք հասկանում ենք այն խնդիրները, որոնց առջև ծառացած է ՆԳՆ-ն։ Մենք հասկանում ենք, որ կառավարության կողմից ավելի մեծ աջակցություն է անհրաժեշտ։
Մենք մեր ռուս գործընկերների հետ կբարձրացնենք լրացուցիչ աջակցության հարցը, որոշակի հնարավորություններ կփնտրենք երկրի ներսում, որպեսզի ՆԳՆ աշխատակիցները պատշաճ կերպով կատարեն իրենց պարտականությունները և պաշտպանված լինեն պետության կողմից»,- ասաց Բժանիան։
43-ամյա Ռոբերտ Կյուտին Օչամչիրեի շրջանի Կինղգի գյուղից է։ 2003 թվականից ի վեր նա եղել է այսպես կոչված Պետական անվտանգության ծառայության աշխատակից, իսկ 2021 թվականին Ասլան Բժանիան նրան նշանակել է ծառայության պետ։ Պարգևատրվել է Ռուսաստանի Անվտանգության դաշնային ծառայության պարգևներով, այդ թվում՝ հակահետախուզության ոլորտում հաջողությունների համար։
Վալտեր Բութբան դե ֆակտո ներքին գործերի նախարարի պաշտոնը զբաղեցրել է 2021 թվականի դեկտեմբերից։ Հայտնի չէ, թե ինչով է պայմանավորված նրա հեռացումը։
