Օկուպացված Աբխազիայի այսպես կոչված Գերագույն դատարանը մեղավոր է ճանաչել «Վրաստանի օգտին լրտեսության համար» ձերբակալված Կախա Մուրադովին։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 4 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 5 Եթե Իվանիշվիլին իրականացնի դեկտեմբերի 29-ի ծրագիրը, նա պետք է սպասի անհավանական պատասխանի․ Ուիլսոն
- 6 Կավելաշվիլին պնդում է, որ Վրաստանի եվրաինտեգրման գործընթացը շարունակվում է
Գործի նյութերի համաձայն՝ Մուրադովը տեղեկություններ է հավաքել, որոնք նա հանձնել է «հակառակորդի հետախուզական ծառայություններին՝ ի վնաս Աբխազիայի Հանրապետության անվտանգության»։
«Նա կապ է ունեցել նաև Վրաստանի Պետխորհրդի այսպես կոչված Գագրայի գումարտակի նախկին հրամանատարների, «Մխեդրիոնի» արմատական ազգայնական խմբավորման անդամների, ինչպես նաև Ուկրաինայի զինված ուժերի կողմից ռազմական գործողություններին մասնակցող վրացական լեգեոնի վարձկանների հետ», - ասվում է այսպես կոչված դատախազության հայտարարության մեջ։
48-ամյա Մուրադովը Աբխազիայի դե ֆակտո պետական անվտանգության ծառայության աշխատակիցների կողմից ձերբակալվել է 2024 թվականի ապրիլի 24-ին՝ Գագրա քաղաքում։ Ըստ այդ ժամանակ տարածված տեղեկության՝ նա ունեցել է նաև Վրաստանի քաղաքացիության անձնագիր, որը թաքցրել է Վրաստանում գտնվող իր հարազատների մոտ։
Դատարանը Կախա Մուրադովին մեղավոր է ճանաչել այսպես կոչված Աբխազիայի Քրեական օրենսգրքի 273-րդ (պետական դավաճանություն) և 217-րդ (ապօրինի զենք-զինամթերք կրել) հոդվածներով։ Նա իրեն մեղավոր չի ճանաչում։
Վրաստանի իշխանությունները չեն մեկնաբանել Մուրադովի նկատմամբ «մեղադրական դատավճիռը»։
