Աջարիայի ոչ լեգիտիմ Գերագույն խորհուրդը դադարեցրել է «Միասնություն - Ազգային շարժման», «Ուժեղ Վրաստանի» և «Հանուն փոփոխությունների կոալիցիայի» 6 անդամների պատգամավորական լիազորությունները։ Այս որոշումն այսօր արտահերթ լիագումար նիստում միաձայն ընդունել են «Վրացական երազանքի» անդամները։
Լրահոս
Ընթերցողի ընտրանի
- 1 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 2 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 3 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Ընդդիմադիր միավորման ներկայացուցիչները հրաժարվել են մասնակցել ոչ լեգիտիմ մարմնի գործունեությանը ընտրությունների արդյունքների հրապարակումից անմիջապես հետո։ Էլգուջա Բագրատիոնին, Միշա Բոլկվաձեն, Էդիշեր Ժղենտին, Լիա Քաջելին, Գենադի Թեբիձեն և Միրդատ Քամադաձեն իրենց մանդատների դադարեցման վերաբերյալ դիմումներ են գրել։
«Ցավոք սրտի, սա նրանց կողմից իռացիոնալ քայլ էր, և մենք ստիպված եղանք ընդունել նրանց որոշումը: Այսօրվանից նրանք այլևս չեն համարվի Աջարիայի Ինքնավար Հանրապետության Գերագույն խորհրդի անդամներ»,- ասել է Գերագույն խորհրդի նախագահ Դավիթ Գաբաիձեն։
Նախկին վարչապետ Գիորգի Գախարիայի «Հանուն Վրաստանի» կուսակցության անդամներ Իրակլի Բոլկվաձեն և Գոչա Գուգունավան իրենց լիազորությունները դադարեցնելու խնդրանքով չեն դիմել, թեև Գերագույն խորհուրդը լեգիտիմ չեն ճանաչում և չեն մասնակցում դրա նիստերին։
«Այսօր ինչպես Վրաստանի խորհրդարանում, այնպես էլ Աջարիայի Գերագույն խորհրդում կան «Վրացական երազանքի» ներկայացուցիչներ, որոնք ինքնահռչակ են։ Սա կավարտվի շատ շուտով, և երկրում կանցկացվեն ժողովրդավարական ընտրություններ»,- ասել է «Ուժեղ Վրաստան» կոալիցիայի անդամ Գենո Թեբիձեն։
Աջարիայի Գերագույն խորհուրդը բաղկացած է 21 անդամից։ Անցյալ տարվա հոկտեմբերի 26-ին կայացած ընտրությունների պաշտոնական արդյունքների համաձայն՝ «Վրացական երազանքը» ստացել է 13 մանդատ, իսկ ընդդիմությունը՝ 8։ Ընդդիմադիր կուսակցությունները չեն ճանաչել արդյունքները՝ պնդելով, որ ընտրությունները կեղծվել են, իսկ նախագահ Սալոմե Զուրաբիշվիլին արդյունքները բողոքարկել է Սահմանադրական դատարանում։
Սահմանադրական դատարանի որոշումը դեռ չէր հրապարակվել, երբ նոյեմբերի 26-ին «Վրացական երազանքը» նիստ գումարեց և ճանաչեց բոլոր 21 անդամների լիազորությունները։ Փաստաբանները սա գնահատեցին որպես Գերագույն խորհրդի կանոնակարգի խախտում։ Կանոնակարգի համաձայն՝ Գերագույն խորհրդի անդամների լիազորությունները ճանաչելու մասին Գերագույն խորհրդի որոշումը չպետք է ներառի այն անձի անունը, որի Գերագույն խորհրդի անդամ ընտրվելու օրինականությունը վիճարկվել է դատարանում։
