Կախեթիում՝ Ախմետայի մունիցիպալիտետի Ալավերդի գյուղում ուժեղ պտտահողմ է տեղի ունեցել։ Աղետի հետևանքով պոկվել է Ալավերդիի տաճարի գմբեթի խաչը, վնասվել է կտուրը ու այլ ենթակառուցվածքներ։ Մի քանի մարդ վիրավորվել է։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
Տեղացիների խոսքով՝ պտտահողմն առաջացել է Ալավերդիի թեմի խաղողի այգիների տարածքում և անցել տաճարի մոտով։
«Այս ամենը տևել է մոտ 2-3 րոպե։ Պտտահողմը մեքենա է շրջել ճանապարհին, ինչի հետևանքով մի քանի մարդ տուժել է, նրանք տեղացիներ են։ Շտապօգնության բրիգադ է կանչվել, նրանց կյանքին վտանգ չի սպառնում»,- «Վրաստանի լուրերին» ասել է Ախմետայի քաղաքապետի ներկայացուցիչ Դավիթ Մեզվրիշվիլին։
Պտտահողմի ականատես են եղել նաև զբոսաշրջիկները։ Նրանցից Փոլ Ռայփլը սոցցանցում գրել է, որ քահանան իր հետ գտնվող հյուրին հագուստի պատճառով թույլ չի տվել պաշտպանվելու համար մտնել եկեղեցի։ «Մուտքը մեզ փրկեց»,- գրել է Ռայփլը։
Տեղացիներն ասում են, որ Ալավերդիում երբեք պտտահողմ չեն տեսել։
