Վրաստանն ավելի հեշտությամբ կկարողանա ռազմական օգնություն ստանալ Ամերիկայի Միացյալ Նահանգներից: Այս մասին Պենտագոնում Վրաստանի պաշտպանության նախարար Ջուանշեր Բուրճուլաձեի հետ հանդիպումից հետո հայտարարել է պաշտպանության քարտուղար Լլոյդ Օսթինը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Պարոն նախարար, երբ ես 2021 թվականի հոկտեմբերին այցելեցի Վրաստան, ես և դուք հայտարարեցինք Վրաստանի պաշտպանությունն ու զսպումը ուժեղացնելու նախաձեռնության մասին։ Սա նոր երկկողմ ծրագիր է վրացական ռազմական ոլորտում էական բարեփոխումներ իրականացնելու համար՝ բարեփոխումներ Վրաստանի պաշտպանության նախարարությունում և զինված ուժերում և ուժեղացնելով նրանց տարածքային պաշտպանունակությունն ու դիմակայունությունը։
Ուրախ եմ տեղեկացնել, որ անցյալ ամիս դեպարտամենտը Կոնգրեսին ծանուցեց այդ նպատակով 33 միլիոն դոլարի սարքավորումների ֆինանսավորման մասին, և Վրաստանը կկարողանա ավելի հեշտությամբ պահանջել և ձեռք բերել կենսական ռազմական հնարավորություններ: Սա արտացոլում է այն կարևորությունը, որը մենք տալիս ենք մեր փոխադարձ պաշտպանական հարաբերություններին և գործընկերությանը»,- ասել է Օսթինը։
ԱՄՆ պաշտպանության նախարարը նշել է, որ անվտանգության ոլորտում ԱՄՆ-ի և Վրաստանի գործընկերությունը խորանում է։
«Միասնությունը երբեք այնքան կարևոր չի եղել, որքան այսօր, երբ խաղաղությունը, կայունությունը և ժողովրդավարական աշխարհի կանոնների վրա հիմնված միջազգային կարգը բախվում են Ռուսաստանի կողմից Վրաստանի և Ուկրաինայի տարածքների անհիմն, անօրինական և դաժան օկուպացիային»:
Պատերազմների և պայքարների միջոցով մենք սովորեցինք խաղաղության և ազատության գինը, և մենք երախտապարտ ենք, որ միասին, Վրաստանի պաշտպանության և զսպման ուժեղացման նախաձեռնության և այլ երկկողմ գործողությունների միջոցով, մենք մեր օրինակելի գործընկերությունը վերածում ենք ուժեղ դաշինքի և ձևավորում կարողություններ, որոնք նպաստում են խաղաղությանն ու կայունությանը ոչ միայն Վրաստանում, այլև նրա սահմաններից դուրս՝ սևծովյան տարածաշրջանում»,- ասել է Վրաստանի պաշտպանության նախարարը։
Անցյալ տարվա օգոստոսին ԱՄՆ Պաշտպանական անվտանգության համագործակցության գործակալությունը հավանություն է տվել Վրաստանին 30 միլիոն դոլար արժողությամբ Ջավելին հրթիռների և հարակից սարքավորումների հնարավոր վաճառքին։ Գործակալությունը հայտարարել է, որ Վրաստանի կառավարությունը խնդրել է գնել 82 Ջավելին հակատանկային կառավարվող հրթիռ և 46 կառավարվող արձակման կայան։
