ԱՄՆ-ը դադարեցրել է Վրաստանի հետ ռազմավարական գործընկերությունը

««Վրացական երազանքի» որոշումը՝ կասեցնել Վրաստանի Եվրամիությանն անդամակցելու գործընթացը, հակասում է վրաց ժողովրդին տված խոստմանը, որը սահմանադրությամբ հայտարարել է Եվրամիությանը և ՆԱՏՕ-ին լիարժեք ինտեգրվելու ցանկության մասին։

«Վրացական երազանքը», դադարեցնելով Վրաստանի Եվրամիությանն անդամակցելու գործընթացը, հերքեց Եվրոպայի հետ սերտ կապերի հնարավորությունը և Վրաստանն ավելի խոցելի դարձրեց Կրեմլի դիմաց։

Վրաց ժողովրդի բացարձակ մեծամասնությունը կողմ է Եվրոպայի հետ ինտեգրմանը։ Միացյալ Նահանգները դատապարտում է ոստիկանության կողմից ուժի չափից ավելի կիրառումը վրացիների նկատմամբ, ովքեր փորձում են օգտվել հավաքների և արտահայտվելու իրենց իրավունքներից, ներառյալ խաղաղ ցույցերի ազատությունը: Մենք կոչ ենք անում բոլոր կողմերին ապահովել, որ բողոքի ակցիաները մնան խաղաղ:

«Վրացական երազանքի» տարբեր հակաժողովրդավարական գործողությունները խախտեցին մեր՝ ԱՄՆ-Վրաստան, ռազմավարական գործընկերության հիմնական սկզբունքները, որոնք հիմնված էին ժողովրդավարության, օրենքի գերակայության, քաղաքացիական հասարակության, մարդու իրավունքների և հիմնարար ազատությունների նկատմամբ հարգանքի ընդհանուր արժեքների և պարտավորությունների և հակակոռուպցիոն ջանքերի վրա: Արդյունքում ԱՄՆ-ը դադարեցրեց այս մեխանիզմը։

Մենք կրկնում ենք մեր կոչը Վրաստանի կառավարությանը՝ վերադառնալու իր եվրատլանտյան ուղուն, թափանցիկորեն հետաքննել խորհրդարանական ընտրությունների բոլոր խախտումները և չեղարկել հավաքների և արտահայտվելու ազատությունը սահմանափակող հակաժողովրդավարական օրենքները», - ասված է Մեթյու Միլլերի հայտարարության մեջ։