«Իվանիշվիլիի քարոզչությունը, թե իբր նա կկարողանա վերականգնել հարաբերությունները Ամերիկայի Միացյալ Նահանգների հետ, եթե Դոնալդ Թրամփն ընտրվի նախագահ, կատարյալ սուտ է և Վրաստանի քաղաքացիներին մոլորեցնելու հերթական փորձը», - ասել է «Միացյալ ազգային շարժում» կուսակցության նախագահ Թինա Բոկուչավան՝ ԱՄՆ-ից վերադառնալուց հետո։ Բոկուչավան ԱՄՆ-ում մասնակցել է Հանրապետական կուսակցության համագումարին, որտեղ հուլիսի 18-ին Դոնալդ Թրամփը պաշտոնապես առաջադրվել է որպես նախագահի թեկնածու։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Թբիլիսիում սպանվել է տրանսգենդեր կին Կեսարիա Աբրամիձեն
Ընդդիմադիր կուսակցության ղեկավարի կարծիքով՝ Ամերիկայի Միացյալ Նահանգների հետ հարաբերությունները վերականգնելու միակ հնարավորությունը հոկտեմբերի 26-ի ընտրություններում Վրաստանի իշխանությունը փոխելն է։
«Կոնգրեսում Իվանիշվիլիի և նրա շրջապատի դեմ պատժամիջոցներ սահմանելու նախաձեռնությունը պատկանում է Թրամփին աջակցող կոնգրեսականին, որին աջակցել է Կոնգրեսի արտաքին հարաբերությունների հանձնաժողովի ամբողջական կազմը։ ԱՄՆ քաղաքականությունը Իվանիշվիլիի վարչակազմի նկատմամբ ունի երկկուսակցական աջակցություն դեմոկրատների, ինչպես նաև հանրապետականների կողմից: Ըստ այդմ, հարաբերությունների վերականգնումը հնարավոր է ոչ թե Ամերիկայի Միացյալ Նահանգների իշխանափոխության, այլ Վրաստանում իշխանափոխության և Իվանիշվիլիի իշխանությունը ժողովրդավարամետ, արևմտամետ, ամերիկամետ կոալիցիոն կառավարությամբ փոխարինելու արդյունքում։ Ավելին, «Հանրապետական կուսակցության» համագումարում Դոնալդ Թրամփը խոսել է Ռուսաստանի Վրաստան ներխուժման մասին ու միանշանակ հայտարարել, որ իր քաղաքականությունը Ռուսաստանի դեմ լինելու է շատ խիստ։
Անհնար է, որ Դոնալդ Թրամփի և Իվանիշվիլիի ռազմավարական շահերը համընկնեն, երբ Իվանիշվիլին խաղադրույք է կատարում Ռուսաստանի հաղթանակի վրա, իսկ Դոնալդ Թրամփը հզոր Ամերիկայի, հետևաբար և Արևմուտքի ու Ուկրաինայի համատեղ հաղթանակի դրոշակակիրն է։
Ավելին, Դոնալդ Թրամփը անհանդուրժող կլինի չինական ազդեցության ուժեղացման նկատմամբ, մինչդեռ Իվանիշվիլին ամերիկացիներին վտարեց Անակլիայի նավահանգստից և շնորհավորեց ամերիկացիների կողմից պատժամիջոցների ենթարկված չինական ընկերությանը՝ Սև ծովում ռազմավարական նավահանգիստ կառուցելու համար»,- ասել է Բոկուչավան։
Նրա խոսքով՝ «Հանրապետական կուսակցության» ղեկավարությունը վճռականորեն պաշտպանում է Վրաստանի եվրաատլանտյան ընտրությունը։
«Վրացական երազանքի» պատվավոր նախագահ Բիձինա Իվանիշվիլին հուլիսի 16-ին կուսակցության նախընտրական քարոզարշավի բացման ժամանակ ասել է, որ ԱՄՆ-ի և Եվրոպայի հետ բոլոր «թյուրիմացությունները» անցյալում կմնան առավելագույնը մեկ տարի հետո։
«Մեզ մնում է դիմանալ առավելագույնը մեկ տարի, որից հետո հիմնովին կփոխվեն գլոբալ ու տարածաշրջանային քաղաքական շահերը, ինչպես նաև շահերը մասնավորապես Վրաստանի նկատմամբ։ Ուկրաինայում շարունակվող պատերազմը կավարտվի ամենաուշը մեկ տարուց, իսկ եթե Հանրապետականները հաղթեն ԱՄՆ նախագահական ընտրություններում, պատերազմը կարող է ավարտվել նույնիսկ հունվարին։ Ուստի ամենակարևորը այս կարճ ժամանակը շահելն է, և հենց որ պատերազմն ավարտվի, Ամերիկայի և Եվրոպայի հետ բոլոր թյուրիմացություններն անմիջապես կմնան անցյալում»,- ասել է իշխող կուսակցության հիմնադիրը։
