Շրջակա միջավայրի ազգային գործակալությունը նշում է, որ իրենք ստացել են բարձրորակ արբանյակային պատկերներ, որոնք մինչև Շովիում տեղի ունեցած աղետը չեն հաստատում Բուբիսծղալի գետի հովտում ջրի կուտակման որևէ փաստ։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 4 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 5 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 6 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
«Գործակալության մասնագետները դա հաստատել են Բուբիսծղալի և Ճանճախի գետերի միախառնման կետում գտնվող ջրի մակարդակի դիտակայանով։ Սակայն նախնական զեկույցի պատրաստմանը զուգահեռ մեր մասնագետները շարունակեցին վերլուծել տարբեր տեղեկություններ, ստացանք բարձրորակ արբանյակային պատկերներ, որոնք նկարագրում և հաստատում են, որ մինչ աղետը հովտում ջրի կուտակման ապացույցներ չկան։ Սա ևս մեկ անգամ ցույց է տալիս, թե որքան կարևոր է փորձագետների համար գնահատել խնդիրը, այնուհետև խոսել հանրության հետ:
Արբանյակային տվյալների հիման վրա վերլուծված նյութից պարզ երևում է, որ Բուբիսծղալի գետի հովտում, Բուբա սառցադաշտից արևմուտք, փլուզվել է մոտ 500 հազար խորանարդ մետր ժայռային զանգված։ Ժայռային փլուզման հետևանքով կտրվել է մոտ 62 հա վրա տարածված սառցադաշտային զանգվածը, որն առաջացրել է ենթասառցադաշտային ջրերի վարարում։ Ջրի ծավալի որոշման հետ կապված լրացուցիչ ուսումնասիրություններ են կատարվում»,- ասվում է գործակալության հաղորդագրության մեջ։
Շրջակա միջավայրի ազգային գործակալությունը նշում է, որ ըստ օդերևութաբանական կայանից ստացված տվյալների և հովտում օդերևութաբանական ռադիոտեղորոշիչի տվյալների՝ ինտենսիվ տեղումներ չեն դիտվել։
«Քարոտ և սառցադաշտային զանգվածների փլուզման բազմաթիվ գործոններից կախվածության պատճառով անհնար է ճշգրիտ որոշել դրա տեղը և ժամանակը»,- նշում է գործակալությունը՝ հավելելով, որ վաղ ահազանգման համակարգը ներառում է առատ տեղումների, կարկուտների, ուժեղ քամիների, երաշտների, ջրհեղեղների և ջրային անկումների նախնական կանխատեսման ուղղություններ։
Օգոստոսի 3-ին Շովի հանգստավայրում սողանքի հետևանքով զոհվել է առնվազն 21 մարդ։ Օգոստոսի 9-ին փրկարարները հայտնաբերել են երկու դի, որոնցից մեկը դեռահասի է։ 12 հոգու որոնողական աշխատանքները շարունակվում են։ Ինչպես մահացածների, այնպես էլ անհետ կորածների թվում կան երեխաներ։