Վրաստանի առողջապահության նախարար Զուրաբ Ազարաշվիլիի խոսքով, սկսվել է մեծ հոգեբուժական հաստատությունների ապաինստիտուցիոնալացումը, և ամբողջ երկրում կկառուցվեն 30-50 պացիենտների համար նախատեսված հաստատություններ։ Նախարարի խոսքով՝ անհրաժեշտ է առնվազն կրկնապատկել հոգեբուժական մահճակալների թիվը:
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Մենք ակտիվորեն սկսել ենք հոգեբուժական ծառայություններ մատուցողների հաշվարկը ամբողջ երկրում և կազմել ենք գործողությունների ծրագիր։ Այսօր երկրում ունենք մոտ 1 500 մահճակալ, թեև այս թիվը, ըստ տարբեր խմբերի և մեր միջազգային փորձագետների առաջարկությունների, առնվազն պետք է կրկնապատկել։ Մեր քաղաքականության համաձայն՝ չեն կարող լինել մեծ հիմնարկներ, որտեղ 100, 200, 300 պացիենտ կարող է լինել միասին։ Ուստի մենք փոքր հոգեբուժական հիմնարկների ծրագիր ենք կազմել, որը պետք է ունենանք ողջ երկրում»,- խորհրդարանում իր ելույթի ժամանակ ասել է նախարարը։
Զուրաբ Ազարաշվիլիի խոսքով, առաջին փուլն արդեն սկսվել է և երեք-չորս ամսից Ծալկայի մունիցիպալիտետի Բեդիանի գյուղում կկառուցվի չորս նոր, փոքր հոգեբուժական հաստատություններ. «Գոյություն ունեցող հոգեբուժական պանսիոնատում իրավիճակը բավականին լուրջ է: Մոտակայքում, այդ տարածքում կառուցվում են չորս փոքր հոգեբուժական հաստատություններ։ Այնտեղ կբաշխվեն շահառուները։ Ըստ այդմ, դա տեղի կունենա նաև երկրի այլ հաստատություններում»:
Առողջապահության նախարարի խոսքով՝ Կախեթիում հոգեբուժական հաստատությունների կառուցման հարցը դեռ քննարկվում է։
«Կախեթիում երկու հոգեբուժական նախագիծ է եղել: Այս նախագիծը չինացիների հետ էր իրականացվում։ Ցավոք, 2019 թվականից հետո Covid-ի հետ կապված խնդիրների պատճառով նրանց կողմից ակտիվ շփում չի եղել։ Այս տարի մենք նորից թարմացրինք շփումը, և կարծում եմ, որ նրանց հետ միասին նախագիծը կավարտվի և այս երկու հոգեբուժարանները կկառուցվեն Կախեթիում»,- ասել է նախարարը։
Առողջապահության նախարարությունը 2021-2030 թվականների գործողությունների ծրագրի ռազմավարական առաջնահերթություններից է նշել հոգեկան առողջության ծառայությունների հզորացումը։