Այսօր Վրաստանի խորհրդարանի լիագումար նիստում քննարկում են այսպես կոչված «օտարերկրյա գործակալների» մասին ռուսական օրենքի վերաբերյալ նախագահի մոտիվացված դիտողությունները։ «Վրացական երազանքի» պատգամավորները պատրաստվում են հաղթահարել վետոն, և ինչպես ասել է խորհրդարանի նախագահ Շալվա Պապուաշվիլին, նրանք ևս մեկ անգամ կողմ կքվեարկեն օրենքին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Դա բխում է վրաց ժողովրդի շահերից, և այսօր պետք է իրականացվի վրաց ժողովրդի շահը»,- այսօր լրագրողներին ասել է Պապուաշվիլին։
Վետոյի հաղթահարման համար անհրաժեշտ է 76 ձայն, իսկ խորհրդարանական մեծամասնությունը («Վրացական երազանք» և «Ժողովրդի ուժ») բաղկացած է 83 պատգամավորից։ Բացի այդ, «Եվրոպացի սոցիալիստների» 4 հոգանոց քաղաքական խումբը նույնպես աջակցում է ռուսական օրենքին։
Ընդդիմադիր պատգամավորները մեծամասնության անդամներին կոչ են անում հրաժարվել Վրաստանի ազգային շահերին դավաճանելուց, ինչը, ըստ նրանց, կդրսևորվի ռուսական օրենքի վերջնական ընդունմամբ։
Լիագումար նիստը մեկնարկել է ժամը 12:00-ին։ Այսօր էլ առցանց լրատվամիջոցների ներկայացուցիչներին, այդ թվում՝ հավատարմագրված լրագրողներին օրենսդիր մարմին չեն թողնում։
Լիագումար նիստին զուգահեռ խորհրդարանի մոտ բողոքի ակցիաներ կանցկացվեն։ Ժամը 11:00-ից քաղաքացիները հավաքվել են օրենսդիր մարմնի մուտքի մոտ, իսկ 17:00-ին խորհրդարանի դիմաց կսկսվի քաղաքացիական կազմակերպությունների կազմակերպած բողոքի ակցիան։
«Բոլոր այն պատգամավորները, որոնք աջակցում են Վրաստանի եվրատլանտյան ապագային, վետոյի հաղթահարման դեմ իրենց դիրքորոշումը և վրաց ժողովրդի շահերը կպաշտպանեն խորհրդարանում: Մենք հավաքվում ենք խորհրդարանի մոտ՝ մեր ձայնը լսելի դարձնելու դրսից նրանց, ովքեր փորձում են քանդել Վրաստանի ապագան։ Եկեք բարձրաձայն ասենք, որ վրաց ժողովուրդը չի ապրելու ռուսական օրենքով»,- ասում են հանրահավաքի կազմակերպիչները։