Օկուպացված Աբխազիայի ներքին գործերի դե ֆակտո նախարար Ռոբերտ Կյուտը հաստատում է, որ Վրաստանի քաղաքացի Իրակլի Բեբուան անօրինական կալանքից ազատ կարձակվի մարտի 30-ին:
Լրահոս
Ընթերցողի ընտրանի
- 1 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 2 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
Բացի այդ, Կյուտը հերքում է մամուլում հայտնված այն տեղեկությունը, թե «Աբխազիայի պետական դրոշն այրելու համար դատապարտվածը» նախատեսված ժամկետից շուտ ազատ կարձակվի։
«Բեբուան ձերբակալվել է 2020 թվականի սեպտեմբերի 30-ին։ Նա կատարել է պետական դրոշն այրելու արարքը, ինչի համար ենթարկվել է քրեական պատասխանատվության և դատապարտվել 9 տարվա ազատազրկման։ Ընդհանուր առմամբ նա պետք է կրեր 4 տարի 6 ամիս պատիժ։ Նրա նախնական կալանքի ժամկետը լրանում է մարտի 30-ին։ Ըստ այդմ, մենք պարտավոր ենք նրան ազատ արձակել։ Ոչ ոք չէր պատրաստվում նրան վաղաժամկետ ազատ արձակել»,- ասել է, այսպես կոչված, ՆԳ նախարարը։
«Ազատությունից զրկելու ժամկետների հաշվարկման ժամանակավոր կանոնի մասին» Աբխազիայի, այսպես կոչված, օրենքի համաձայն՝ ընդհանուր ռեժիմի գաղութներում ազատազրկման դատապարտված, սակայն պատիժը ժամանակավոր տեղաբաշխման և նախնական կալանքի վայրերում անցկացնող դատապարտյալների համար պատժի մեկ օրը հավասար է երկու օրվա։
Իրակլի Բեբուան Աբխազիայի, այսպես կոչված, պետական դրոշն այրել է 2020 թվականի սեպտեմբերի 30-ին Գալի քաղաքում՝ «1992-1993 թվականների Հայրենական պատերազմում» աբխազ ժողովրդի հաղթանակին նվիրված միջոցառման ժամանակ։ Աբխազիայի դե ֆակտո իրավապահ մարմինները խուզարկություն են անցկացրել կալանավորի տանը, ինչի արդյունքում առգրավել են նռնակ, որն իբր նա պահել է իր անկողնում գտնվող բարձի տակ։ Սոցցանցերում տարածված տեսանյութում, որը իբր նկարահանվել է հարցաքննության ժամանակ, Բեբուան ասել է, որ դիտավորյալ այրել է դրոշը։
Դե ֆակտո կառավարությունը Բեբուային մեղադրել է Քրեական օրենսգրքի մի քանի հոդվածներով հանցագործություններ կատարելու մեջ, այդ թվում՝ պետական խորհրդանիշները վիրավորելու, ծանրացուցիչ հանգամանքներում գույքը դիտավորությամբ վնասելու կամ ոչնչացնելու և ապօրինի զենք պահելու մեջ։ 2020 թվականի դեկտեմբերին նա դատապարտվել է 9 տարվա ազատազրկման։
