Նոյեմբերի 12-ին ՆԳ նախարարությունը թույլ չի տվել Մեծ Բրիտանիայի քաղաքացի Բեն Մալետին մուտք գործել Վրաստան, ով, ըստ «Միացյալ ազգային շարժման» նախագահ Լևան Խաբեիշվիլիի, կուսակցության քաղաքական խորհրդատուն է։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Ես մի քանի եթերում ասել եմ, որ «Ազգային շարժումը», «Ստրատեգիա Աղմաշենեբելին» և Հաղթանակի կոալիցիան լուրջ խորհրդատուներ են բերելու։ Մենք ասացինք, որ պատրաստվում ենք հաղթել ռուս օլիգարխին, նրանցից մեկը Մեծ Բրիտանիայի քաղաքացի Բեն Մալետն էր, ով մեկ շաբաթ առաջ Վրաստանում էր, և ով պետք է օգնի մեզ հաղթել ռուսական քարոզչությանը և ազատվել պուտինիստներից։ Մարդուն այսօր ներս չեն թողնում, բայց մի քանի օր առաջ այստեղ էր, գնաց, հիմա չեն թողնում ետ վերադառնալ։
Մեր գրասենյակներին գաղտնի հետևում են, մեզ են հետևում, տեսել են, որ այս մարդը գալիս է մեր գրասենյակ, տեսել են, որ մեզ հետ է աշխատում։
Ռուսական կուսակցությունն աշխատում է ընդդիմության դեմ, այլ ոչ այնտեղ, նրանց չի հետաքրքրում, որ օկուպանտը սպանում ու առևանգում է մեր քաղաքացիներին։ Գլխավորն այն է, որ Մեծ Բրիտանիայի քաղաքացուն, ով հանդիսանում է «Ազգային շարժման» և «Ստրատեգիա Աղմաշենեբելիի» խորհրդատուն, թույլ չեն տվել մուտք գործել երկիր։ Հետևելու արդյունքում նրանք հայտնաբերել են առանց որևէ պատճառաբանության թույլ են տվել հետ գնալ»,- ասել է Խաբեիշվիլին Թբիլիսիի միջազգային օդանավակայանում։
Վրաստան մուտքը մերժելու որոշման մեջ նշվում է, որ Բեն Մալետը չի համապատասխանում Վրաստանի օրենսդրությամբ սահմանված այլ պահանջներին։ Ներքին գործերի նախարարությունը հաճախ է այդ հիմքով մերժում լրագրողներին և ակտիվիստներին մուտքը Վրաստան։
Մեծ Բրիտանիայի քաղաքացի Բեն Մալեթը ԱՄՆ-ում գործող «THE MESSINA GROUP»-ի միջազգային արշավների տնօրենն է։ Կայքում հրապարակված տեղեկության համաձայն՝ նա քաղաքական գործիչներին, կառավարություններին և ընկերություններին հաղորդակցության ռազմավարությունների վերաբերյալ խորհրդատվության փորձ ունի։
Տարբեր ժամանակներում նա աշխատել է որպես Մեծ Բրիտանիայի վարչապետներ Բորիս Ջոնսոնի և Դեյվիդ Քեմերոնի, ինչպես նաև արտաքին գործերի նախարար լորդ Զաք Գոլդսմիթի խորհրդական։ Վերջերս Բենն աշխատել է որպես գիտահետազոտական և հաղորդակցման ռազմավարությունների խորհրդական Իսպանիայի վարչապետ Մարիանո Ռախոյի և Քենիայի նախագահ Ուհուրու Քենյատայի մոտ: Նա նաև զբաղեցրել է Լոնդոնի Պահպանողական կուսակցության նախընտրական շտաբի տնօրենի պաշտոնը Լոնդոնի քաղաքապետի վերջին ընտրությունների ժամանակ:
