«Ազգային շարժումը» Ռուսթավիի սակրեբուլոյում դադարեցրել է նիստերի բոյկոտը

Նիստին նախորդել է «Վրացական երազանքից» Ռուսթավիի քաղաքապետ Նինո Լացաբիձեի ճեպազրույցը, որը քաղաքային խորհրդի ընդդիմադիր մեծամասնությանը մեղադրել է «քաղաքի զարգացման դեմ կանխամտածված գործողությունների մեջ»։ Լրագրողը քաղաքապետից հետաքրքրվել է՝ զգո՞ւմ է իր պատասխանատվությունը, երբ քաղաքապետարանի ֆինանսների վարչությունը չի ընդունում սակրեբուլոյի կնիքով վավերացված փաստաթղթերը և այդ պատճառով աշխատավարձ չի տալիս։

«Այսօր Ռուսթավիում այնքան մարտահրավերներ կան, որոնք ամբողջ թիմը փորձում է ամեն օր հաղթահարել: Սակրեբուլոյի նախագահի, կնիքի, վարույթի մասին անընդհատ ինչ-որ անհեթեթ բան լսելը ամոթալի է, և այդ պատճառով նիստերը անընդհատ հետաձգվում կամ խանգարվում են։ Աշխատակիցներին աշխատավարձ են տվել, սակայն եղել են որոշ մանրամասներ։ Սակրեբուլոյի նախագահը պետք է հոգա իր գրասենյակի աշխատակիցների մասին և պետք է ապահովի փաստաթղթերի պատրաստումը համապատասխան ընթացակարգերի համաձայն։ Հավանաբար, երբ նրանք սա սովորեն, գործընթացներն էլ ավելի կհեշտանան»,- ասել է Լացաբիձեն։

Սակրեբուլոյի նախագահ, «Հանուն Վրաստանի» կուսակցության անդամ Նոդար Շերոզիան «Վրացական երազանքին» մեղադրել է քաղաքական ճնշումների և ընդդիմադիր քաղաքային խորհրդի աշխատանքի սաբոտաժի մեջ։ Ինչպես նա է նշել, չորս ամիս շարունակ կնիք անելու խնդրանքով դիմել է քաղաքապետարանին, սակայն գնումների ծառայությունը 45 լարիանոց կնիքի պատրաստման պայմանագիր չի կնքել հատուկ՝ սակրեբուլոյի խանգարելու համար։ «Քանի դեռ այս մարդկանց պահանջը չեն բավարարել, ես չեմ պատրաստվում սակրեբուլոյի նիստեր անցկացնել։ Եթե ​​խնդիրը չլուծվի, ես կդիմեմ դատարան»,- ասել է Նոդար Շերոզիան։

Մարտի 24-ին «Միացյալ ազգային շարժում» կուսակցությունը հայտարարել էր քաղաքային խորհրդի նիստը բոյկոտելու մասին։ Կուսակցության անդամ և քաղաքային խորհրդի նախագահի առաջին տեղակալ Ալեքսանդր Բերիձեն ասել էր, որ իրենք բարոյական իրավունք չունեն շարունակելու մասնակցել նիստերին։

Ռուսթավիի սակրեբուլոյի ընդդիմադիր մեծամասնության կազմում ընդգրկված են «Ազգային շարժման», «Հանուն Վրաստանի» խմբակցության և «Լելոյի» 19 անդամ։ 2021 թվականի տեղական ինքնակառավարման մարմինների ընտրությունների արդյունքում «Վրացական երազանքն» ունի ընդամենը 16 մանդատ։