Հողամասում հացահատիկային բույսերի, ներառյալ դրանց մնացորդներն այրելու համար ֆիզիկական անձինք կտուգանվեն 1000 լարիով, իսկ իրավաբանական անձինք՝ 2000 լարիով:
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Կառավարության նախաձեռնությամբ փոփոխությունը կներառվի Վարչական իրավախախտումների օրենսգրքում, որի նպատակն է վերացնել բերքահավաքից հետո գյուղատնտեսական ցանքատարածությունների հրդեհումը և զսպող ազդեցություն ստեղծել։
«Կառավարության քննարկած հարցը այն մարտահրավերներից է, որը մենք դիտարկում ենք ամեն աշուն, հիմնականում Կախեթիի շրջանում։ Ցավալի պրակտիկա է, երբ ֆերմերները այրում են գյուղատնտեսական ցանքատարածությունները, ինչը մեծ վնաս է հասցնում հողին, և մենք կարող ենք շատ մեծ մարտահրավերների առաջ կանգնել այս հրդեհի տարածման առումով։
Մինչ այժմ մենք չունեինք սրա դեմ արդյունավետ մեխանիզմ։ Կառավարությունն այսօր հավանություն է տվել Վարչական իրավախախտումների վերաբերյալ օրենսգրքում փոփոխությունների նախագծին, որը կներկայացվի խորհրդարան, և այս փոփոխությամբ բավականին խիստ սանկցիա կկիրառվի հողի սեփականատերերի կամ օգտագործողների՝ այն անձնաց նկատմամբ, ովքեր կանեն նշված խախտումը»,- ասել է շրջակա միջավայրի պահպանության և գյուղատնտեսության նախարար Օթար Շամուգիան։
Խախտումների վերահսկողությունն իրականացնելու է Բնապահպանական վերահսկողության վարչությունը, որի տեղեկություններով՝ որոշ ֆերմերների անպատասխանատու գործողությունների պատճառով գյուղատնտեսական մնացորդների այրման հետևանքով առաջացած հրդեհի հետևանքով այրվել են տասնյակ հեկտար վարելահողեր և ոչնչացվել են մի քանի տասնյակ կիլոմետր երկարությամբ հողմային գոտիներ։
Վիճակագրության ազգային ծառայության տվյալներով՝ 2022 թվականին Վրաստանում գրանցվել է հրդեհի 13 273 դեպք։
