Ռաճա-Լեչխումիի և Քվեմո Սվանեթիի տարածաշրջանի պետական հանձնակատար Պարմեն Մարգվելիձեի տեղեկություններով՝ այս պահին Շովիի աղետի գոտում հայտնաբերված 26 դիերից պարզվել է 23-ի ինքնությունը, 7 մարդ դեռ համարվում է անհետ կորած։ Զոհվածների և անհետ կորածների թվում կան երեխաներ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Անհետ կորած 33 քաղաքացիներից մինչ օրս հայտնաբերվել է 26 դի։ 7 անհետ կորած քաղաքացիների որոնողական աշխատանքները շարունակվում են։ Պարզվել է 23 մահացածի ինքնությունը։ Որոնողական աշխատանքները կշարունակվեն այնքան ժամանակ, քանի դեռ տեսականորեն չնչին հնարավորություն կլինի գտնել քաղաքացիներին։ Շովի հանգստավայրի տարածքում մնացել են մի քանի մասեր, որոնք կմշակվեն մոտ օրերս»,- ասել է Պարմեն Մարգվելիձեն։
Օգոստոսի 3-ին Ռաճայում՝ Բուբա լեռից սկիզբ առած սելավը գրեթե ամբողջությամբ ավերել է Շովի հանգստավայրը։ Փրկարարական գործողությունը սկսվել է 3 ժամ ուշացումով, իսկ օրվա վերջում օդաչուները դադարեցրել են օպերացիային մասնակցելը, քանի որ ուղղաթիռը գիշերը չի կարողացել անվտանգ թռչել։ Օգոստոսի 3-4-ին աղետի գոտուց տարհանվել է 210 մարդ։
Ներքին գործերի նախարարը, որին ենթակա է արտակարգ իրավիճակների կառավարման ծառայությունը, ջրհեղեղից հետո՝ 11-րդ օրը, օգոստոսի 13-ին է ժամանել Շովի։ Լրագրողների հետ զրույցում նա ասել է, որ նախարարությունը գիշերային թռիչքների հնարավորություն ուներ, և ուղղաթիռները կարող էին թռչել, սակայն «եթե այդ պահին մարդու կյանքին իրական վտանգ չի սպառնում, օդաչուներին վտանգի ենթարկել չի կարելի, տեղին չէ»։
ՆԳՆ-ն աղետի փաստով հետաքննություն է սկսել քրեական օրենսգրքի երկու հոդվածներով (անզգուշությամբ մարդկային կորուստներ և անվտանգության կանոնների խախտում հանքարդյունաբերության, շինարարական կամ այլ աշխատանքների ժամանակ): Բացի այդ, վարչապետ Իրակլի Ղարիբաշվիլին և կառավարության այլ ներկայացուցիչներ հայտարարում են, որ հնարավոր չի եղել կանխել կատարվածը, ինչի հետ համաձայն չեն անկախ փորձագետները։
