Բողոքի ձայնագրության պատճառով անջատել են Թբիլիսիի հասարակական տրանսպորտի վճարային համակարգը 

Առավոտից ավտոբուսների ու միկրոավտոբուսների վճարման ապարատներում հնչում են բողոքի ձայնագրություններ։ Մասնավորապես, հնչել են Վրաստանի և Եվրամիության օրհներգները, ինչպես նաև Վրաստանի առաջին նախագահ Զվիադ Գամսախուրդիայի՝ «Կեցցե անկախ Վրաստանը» և խորհրդարանի նախկին նախագահ Զուրաբ Ժվանիայի՝ «Ես վրացի եմ, հետևաբար ես եվրոպացի եմ» խոսքերը։

Բացի այդ, հասարակական տրանսպորտում հնչել են «Վրացական երազանքի» պատվավոր նախագահ Բիձինա Իվանիշվիլիի և ոչ լեգիտիմ նախագահ Միխեիլ Կավելաշվիլիի հայտնի հայտարարությունները։

«Ավտոբուսներում և միկրոավտոբուսներում տեղադրված վճարային ապարատները պատկանում են «Վրաստանի բանկին»։ Որքան գիտեմ, Վրաստանի բանկին սպասարկում են մի քանի ընկերություններ՝ «Ազրի» ՍՊԸ, «ՄՍ+» ՍՊԸ։

Հավանական է, որ կիբերհարձակում է իրականացվել, բայց հետաքննությունը միանշանակ կպարզի՝ որտեղ, ում մասնակցությամբ և ինչպես։

Ավտոբուսների և միկրոավտոբուսների վճարումները դադարեցվել են, քանի որ դա հնարավոր չէ։ Ապարատները չեն աշխատում, բայց հասարակական տրանսպորտը, իհարկե, շարունակում է գործել և սպասարկել մայրաքաղաքի բնակչությանը»,- լրագրողներին ասել է Կալաձեն։

Թբիլիսիի քաղաքապետարանը հայտարարել է, որ համապատասխան ընկերությունների ներկայացուցիչները սկսել են օպերատիվ աշխատել խնդիրը վերացնելու ուղղությամբ, և մոտ ապագայում սարքերը կմիացվեն, երբ անսարքությունը շտկվի։