თბილისის საზოგადოებრივ ტრანსპორტში გადახდის სისტემა დროებით გათიშეს სავარაუდო კიბერშეტევის შემდეგ. დედაქალაქის მერის, კახა კალაძის თქმით, გამოძიება დაადგენს, „თუ საიდან, როგორ მოხდა ეს ყველაფერი და ვის მიერ განხორციელდა კიბერშეტევა“.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
დილიდან ავტობუსებსა და მიკროავტობუსების გადახდის აპარატებში საპროტესტო აუდიოჩანაწერი ირთვებოდა. კერძოდ, ისმოდა საქართველოს და ევროკავშირის ჰიმნები, ასევე, საქართველოს პირველი პრეზიდენტის, ზვიად გამსახურდიას სიტყვა - „გაუმარჯოს დამოუკიდებელ საქართველოს!“ და პარლამენტის ყოფილი თავმჯდომარის, ზურაბ ჟვანიას - „მე ვარ ქართველი და მაშასადამე, ვარ ევროპელი“.
გარდა ამისა, საზოგადოებრივ ტრანსპორტში შესაძლებელი იყო „ქართული ოცნების“ საპატიო თავმჯდომარის, ბიძინა ივანიშვილის და არალეგიტიმური პრეზიდენტის, მიხეილ ყაველაშვილის ცნობილი განცხადებების მოსმენაც.
„ავტობუსებში და მიკროავტობუსებში დამონტაჟებული გადახდის აპარატები „საქართველოს ბანკისაა“. როგორც ვიცი, საქართველოს ბანკს ემსახურება რამდენიმე კომპანია - შპს „აზრი“, შპს „მს+“.
სავარაუდოდ, განხორციელდა კიბერშეტევა, თუმცა საიდან, ვისი ჩართულობით, როგორ, ამას გამოძიება აუცილებლად დაადგენს.
გადახდები შეჩერებულია ავტობუსებსა და მიკროავტობუსებში, რადგან შეუძლებელია. აპარატები ვერ მუშაობს, თუმცა საზოგადოებრივი ტრანსპორტი, რა თქმა უნდა, აგრძელებს მუშაობას და ემსახურება დედაქალაქის მოსახლეობას“, - უთხრა კალაძემ ჟურნალისტებს.
თბილისის მერიაში განაცხადეს, რომ პრობლემის აღმოსაფხვრელად, შესაბამისი კომპანიების წარმომადგენლებმა ოპერატიულად დაიწყეს მუშაობა და აპარატები უახლოეს პერიოდში, ხარვეზის გამოსწორებისთანავე ჩაირთვება.
